۞ ئاخفتنا 144 ۞

۞ ئاخفتنا 144 ۞

articoli correlati

۞ ئاخفتنا 144 ۞

حکمه‌تا شاندنا پێغه‌مبه‌ران ژ لایێ خودێ ڤه‌: پێغه‌مبه‌رێ خوه‌ رێکرن، پێ وه‌حیا خوه‌ كو کر مه‌خصوصێ وان ئه‌و کرن حوججه‌ت و ده‌لیل لسه‌ر مه‌خلووقێ خوه،‌ دا کو پاش وێ، ده‌لیل لده‌ستێ وان دا نه‌مینێ ژ بوونا عوزرئانینێ، ڤێجا ئه‌و پێ وی عه‌زمانێ (زمانێ) راست و دورست گازی کرن بو رێکا حه‌ق. ئاگاھ بن! خودێ مه‌خلووقێ خوه‌ ئه‌شکه‌ره‌ کر (كفش كر)، نه‌ ژ به‌ر وێ چه‌ندێ کو ده‌رحه‌ق خه‌فێن وان یێن خویا نه‌دکرن و ڤه‌شارتی یێن ل دلێ وان دا زانین نه‌بی، به‌لکی ژ به‌ر وێ چه‌ندێ بی دا ئه‌وا ئمتحان بکێ کانێ کیژان وێ کارێن باشتر بکن، دا ڤێجا خێر لبه‌رابه‌رێ کارێ قه‌نجکاران دا بێ دایین و عه‌زابدان ببێ جه‌زایێ خرابکاران.

سه‌راتی یا ئه‌هلێ به‌یتێ: لکوونه‌ ئه‌وێن گومان کرین ئه‌ون یێن زانا و تێگه‌ھشتی د علمێ {قورئانێ} دا، خێنجی مه‌؟ ئه‌و ده‌ره‌وان دکن و زولمێ لمه‌ دکن؛ خودێ ئه‌م بلند کرنه‌ و ئه‌و دانینه‌ و دایه‌ مه‌ و ئه‌و ژێ مه‌حرووم و بێ به‌هر کرنه‌ و ئه‌م ئێخستنه‌ ناڤ [مالێ] دا و ئه‌و ده‌رانینه‌. هدایه‌ت و رێ راستی ب [رێکا] مه‌ تێ دایین و کووری [و ل رێ وندا بوون] ب مه‌ ژ ناڤ دچێ، راستی ئه‌ڤه‌ کو ئمام ژ «قوره‌یشن» و ل بنه‌مالا «هاشم» دا هاتنه‌ دانین و چاندن؛ ژ بوونا خێنجی وان بکێر نایێ و چێنابێ و نابێ کو سه‌رووک ژ خێنجی وا بن.

ژ ڤێ ئاخفتنێ یه‌ ده‌رحه‌ق ئه‌هلێ خه‌له‌تی یێ دا: دنیا پێش ئێخستن و ئاخره‌ت پاشڤه‌ دان، [ئاڤا] زه‌لال و صاف به‌ردان و یا گه‌موور و شێلوو (بێهنوو و نه‌خوه‌ش) ڤه‌خارن، حه‌چوه‌کو ئه‌ز ل فاسقێ وان دنێرم کو که‌تیه‌ دگه‌ل کرێت و خرابی یێ و بێهنا وی پێ وێ فره‌ھ دبێ و وێ ب وی ئاوایی بێ حه‌تا مویێ سه‌رێ وی د گونه‌ھان دا سپی ببێ و ئه‌خلاقێ وی ره‌نگێ گونه‌ھ بخوه‌ بگرێ. پاشێ که‌ف سه‌ر ده‌ڤ بکه‌ڤێ، ل ڤی حالی دا وه‌ک به‌حرا پر پێله‌ کو خوه‌ ژ خه‌نقاندن و بن ئاڤ کرنا چ که‌سی و چ تشتی نادێ پاش، ئان وه‌ک گوریا ئاگر کو بکه‌ڤێ ناڤ پویش و نه‌ خه‌ما وێ یه‌ کو چ دشه‌وتێ.

لکوونه‌ ئه‌و عه‌قلێن رووناهی یێ ژ چرا یێن هدایه‌تێ دگرن؟ و ئه‌و چاڤێن به‌رێ وان ل نیشانێن ته‌قواتی یێ؟ کانێن ئه‌و دلێن ژ خودا را ھاتین پێشكێش كرن و ب گوهداری و طاعه‌تێ خودێڤه‌ هاتین گرێدان؟ (ئه‌ڤ د‌لێن ھه‌) لسه‌ر مالێ [فانی یێ] دنیایێ لهه‌ڤ چڤیان‌ و لسه‌ر حه‌رامه‌تی یێ که‌تن جڕه‌کێشێ؛ بێره‌ق و نیشانێن بهشتێ و ئاگر ژ وان را هاتنه‌ بلند کرن ڤێجا به‌رێ خوه‌ ژ بهشتێ زڤراندنه‌ و پێ کریارێن خوه‌ به‌رێ خوه‌ دانه‌ ئاگر؛ و خودایێ وان گازی وان کر، ڤێجا ئه‌و حه‌لاتن (ره‌ڤین) و پشت دان؛ شه‌یطان گازی وان کر ڤێجا ئه‌وان جه‌واب دا و به‌رێ خوه‌ دانێ.

Commenti

Lascia un tuo commento

* I campi contrassegnati con l'asterisco sono obbligatori certamente avere valore.