۞ ئاخفتنا 195 ۞

۞ ئاخفتنا 195 ۞

articoli correlati

حه‌مد ژ وی خودایی را ئه‌وێ ئه‌سه‌ر و نیشانێن قودره‌ت و جه‌لال و مه‌زناهی یا خوه‌ ئه‌شکه‌ره‌ کری، ب ئاوایه‌کی کو چاڤ ل ناڤ عه‌جێبێن قودره‌تا خوه‌ دا حه‌یری هشتن و بیر و هزر ژ ناس کرنا کونهێ صفه‌تێ خوه‌ پاشڤه‌ دا. ئه‌ز شه‌هده‌ ددم کو خێنجی «الله» چ ئلاھ نینن، شه‌هاده‌ته‌ک هلکه‌تی ژ ئیمان و یه‌قین و ئخلاص و فه‌رمان برنێ. و ئه‌ز شه‌هده‌ ددم کو موحه‌ممه‌د به‌نده‌ و ره‌سوولێ وی یه‌؛ ئه‌و وه‌خته‌کی رێکر کو نیشانێن هدایه‌تێ ژ ناڤ چووبین و رێکێن دین ڤه‌شارتی بوون، ڤێجا حه‌ق ئه‌شکه‌ره‌ کر و خه‌لک شیره‌ت کرن و ئه‌و ژ رێکا راست را رێنموون کرن و فه‌رمانا دورستی و عه‌داله‌تێ دا، صه‌لات و سه‌لامێن خود‌ێ لسه‌ر وی و ئالێ وی بن.

وه‌عز و شیره‌ت: ئه‌ڤێ بزانن ئه‌ی به‌نده‌یێن خودێ کو خودێ هوون بێ هووده‌ چێنه‌کرنه‌ و وه‌ک حێشترێن بێ خودان هوون سه‌ربه‌ره‌دایی نه‌کرنه‌، ئه‌وقاس نعمه‌تا ل هه‌وه‌ کری ئاگاهی ژێ هه‌یه‌ و قه‌نجی یێن ل هه‌وه‌ کرین ئێژمارتیه‌ (و هویر هویر هه‌ر تشت حه‌ساب کریه‌ و ب حه‌ساب دایه‌) ڤێجا سه‌رکه‌تنێ ژ وی بخازن و به‌رفره‌ھ دانا نعمه‌تان ژ وی بخازن و هوون چ دخازن، ژ وی بخازن، چکو په‌رده‌یه‌ک نینه‌ کو هه‌وه‌ ژ وی جدا بکێ و چ ده‌رگه‌ھ نینن کو لبه‌ر هه‌وه‌ گرتی بمینێ، براستی ئه‌و لهه‌ر جهی یه‌ و لهه‌می وه‌خت و ده‌مان دا هه‌یه‌، ئه‌و دگه‌ل هه‌می جن و مرووڤا یه‌؛ دان کرن خرابی یێ ژ خه‌زنا ویرا چێناکێ و ئه‌و چقا بدێ ژ هه‌یی یا وی کێم نابێ و خازوک چقا بخازن [و بگرن] هه‌یی یا وی خلاس ناکن. و حه‌چی خوه‌ستنێ بکێ نکارێ بگهێ ئاخریکا وێ و که‌س نکارێ پێشی یێ ل دانا وی بگرێ و چ ده‌نگ و گازی ئه‌وی بخوه‌ ڤه‌ مژوول ناکن کو های ژ یا دی نه‌مینێ، دانا نعمه‌ته‌کی ئه‌وی ژ گرتنا نعمه‌تا دی پاشدا ناگرێ. ده‌ما غه‌زه‌ب بکێ ژ ره‌حمه‌تێ پاش ناکه‌ڤێ و عه‌فوو کرنا که‌سه‌کی ئه‌وی ژ عقاب دانا که‌سه‌ک دی پاشڤه‌ نادێ، ڤه‌شارتی بوونا وی نه‌ په‌ردا ئه‌شکه‌ره‌ بوونا وی یه‌ و ئه‌شکه‌ره‌ بوونا وی ئه‌وی ژ ڤه‌شارتی بوونا وی جدا ناکێ، نێزیکه‌ لێ دوورێ ژ گه‌هشتنێ، بلنده‌ لێ نێزیکێ هه‌ر که‌سی یه‌. ئه‌شکه‌ره‌یه‌ لێ ڤه‌شارتی، خه‌فه‌ لێ ئه‌شکه‌ره یه‌‌، ئه‌و کریا هه‌می یان ددێ وان لێ کریا وی نایێ د‌ان، مه‌خلووق ئافراند نه‌ پێ بیر و ھزرێ [ته‌یبیر دانێ] خولقاند‌ و ژ به‌ر وه‌سطهانێ ژی ئاریکاری ژ وان نه‌خوه‌ست.

ئه‌ی به‌نده‌یێن خودێ، ئه‌ز شیره‌تا ته‌قواتی یا خودێ لهه‌وه‌ دکم، کو ئه‌و سه‌به‌بێ کونتورول کرن و خوه‌ راگری یا هه‌وه‌ یه‌. ڤێجا خوه‌ ب وه‌ریسێ قه‌وی یێ ته‌قوایێ بگرن و هانا خوه‌ ژ حه‌قیقه‌تێن وێ را ببن دا هه‌وه‌ بگهێنێ رحه‌تی و جهێن به‌رفره‌ھ و په‌ناهگه‌هێن قه‌وی و قاییم و عه‌ردێن به‌رکه‌تی و ب عززه‌ت، ئه‌و ژی د رووژه‌کی دا کو «چاڤ تێدا شاقز دبن» و طاریتی هه‌می جهی لبه‌ر خوه‌ دگرێ و حێشترێن ئاڤس، بێ خودان تێن به‌ره‌دایی کرن و ل صوورێ دا تێ پف کرن و جان ژ به‌ده‌نا ده‌رکه‌ڤن و زمان لال د‌بن و چیایێن بلند و ته‌حتێن قاییم هویر د‌بن و د‌رژن، ب ئاوایه‌کی کو وه‌ک له‌یلانێ ژ دوورڤه‌ بره‌جف تێ دیتن. و جهێ ئاڤا، وه‌ک عه‌ردێ هشک و راست لێ تێ، ڤێجا د وێ رووژێ دا نه‌ مه‌هده‌رکاره‌ک هه‌یه‌ مه‌هده‌رێ بکێ و نه‌ دوسته‌ک هه‌یه‌ کو فه‌یدێ بگهێنێ و نه‌ ژی عوزره‌ک به‌لایه‌کی پاشڤه‌ ددێ.

Commenti

Lascia un tuo commento

* I campi contrassegnati con l'asterisco sono obbligatori certamente avere valore.