۞ ئاخفتنا 238 ۞

۞ ئاخفتنا 238 ۞

ده‌رحه‌ق حوکومده‌ران (حه‌که‌مه‌ین) و خرابی یا شامی یان دا یه‌:

ئه‌و مه‌ژی هشکێن ڕزیل و نه‌خوه‌ش ئه‌خلاقن؛ ئه‌و کووله‌یێن زه‌لیلن، هه‌ر یێک ژ جهه‌کی هاتیه‌ و به‌رهه‌ڤ بوونه‌ و هه‌ر یێک ژ جهه‌کی هاتیه‌ چنین؛ ئه‌و ژ وانه‌ ئه‌وێن لازمه‌ بێن تێگه‌هاندن و ئه‌ده‌بدان و بێن فێرکرن و هین کرن، دڤێ مه‌زنه‌ک لسه‌ر وان بێ ده‌ینان و ده‌ستێ وان بێ گرتن [خوه‌یتی ل وان بێ کرن]. ئه‌و نه‌ ژ موهاجرانه‌ و نه‌ ژی ژ ئه‌نصاران و نه‌ ژی ژ وان که‌سانه‌ کو ل مه‌دینایێ جی گرتبن و ئیمانا وان قاییم و جی گرتی بوویی.

هه‌یهێ، هه‌ما راستی، ئه‌وان [شامی یان] ژ بوونا خوه‌ که‌سه‌ک بژارتن کو ژ هه‌ر که‌سی پتر نێزیکێ خوه‌ستا وا یه‌،[1] هه‌وه‌ ژی که‌سه‌ک بژارت کو ژ هه‌ر که‌سی نێزیکتره‌ ژ وێ را ئه‌وا هوون ناخزان و ژێ حه‌ز ناکن[2]، بینن بیرا خوه‌ کو عه‌بدولاهێ کورێ قه‌یس،[3] دوهوی دگووتا: ئه‌ڤاهه‌، فتنه‌ یه‌، نخوه‌ به‌نکێ که‌ڤانا خوه‌ بقه‌تینن و شویرێن خوه‌ غه‌لاف بکن و بێخن د کالان دا. ڤێجا ئه‌گه‌ر راست گووتبێ، نخوه‌ ئه‌و د وێ هاتنا خوه‌ دا کو ئجبار و زوور تێدا نه‌بی، خه‌له‌ت بیه‌ و ئه‌گه‌ر ده‌ره‌وکه‌ربێ، نها که‌تیه‌ بن توهمێ دا. ڤێجا هوون ئه‌وا ل سنگێ عه‌مرێ عاص دا پێ [بژارتنا] عه‌بدولاهێ کورێ عه‌باس ژ ناڤ ببن و فورصه‌تا ده‌ستڤه‌ هاتی ژ ده‌ست نه‌دن و بلادێن (نشتمان) دوور ده‌ستێن ئسلامێ بپارێزن، گه‌لو هوون نابینن کو ل وه‌لاتێ هه‌وه‌ دا ئاگرێ شه‌ر پێ کرنه‌ و تیر، ل ته‌حتێن هه‌وه‌ تێن ره‌شاندن.


[1] ئه‌وا عه‌مرێ عاص بژارت و خوه‌ستا وان شه‌ر نه‌كرنا د‌گه‌ل عراقی یان بی.

[2] ئه‌ڤا ئه‌بوو مووسایێ ئه‌شعه‌ری بژارت و خوه‌ستا وا ژی ته‌سلیم بوونا شامی یان بی.

[3] عه‌بد‌ولاھێ كورێ قه‌یس، ئه‌بوو مووسایێ ئه‌شعه‌ری یه‌.

نظرات

ارسال نظر

* فیلدهای ستاره دار حتما بایستی مقدار داشته باشند.