ڤه‌كرنا ده‌رگه‌هێ ئايه‌تا ته‌طهيرێ

ڤه‌كرنا ده‌رگه‌هێ ئايه‌تا ته‌طهيرێ

پاش ئيمانا بخودێ وپێغه‌مبه‌رێ وی صلی الله عليه وآله وروژا قيامه‌تێ، مه‌زنترين پرسيارا هه‌ر موسلمانه‌كی دبارا دينێ خودا ئه‌ڤه‌يه‌ كو بزانت سه‌ركانيا كو دينێ خودێ ژی بێت گرتن، ئه‌صل وحوكم ژێ بێن زانين، چيه؟ چكو خودێ تعالا به‌نده‌يێن خوه هايدانه كو حوكمێن وی پێك‏بينن ورێك وبنيات وقانون وحه‌لال و حه‌رام دانينه. و چ تشت نينه‌كو حوكمه‌ك‏ يێ خودێ ل سه‌ر نه‌بت، ڤێجا ئان واجبه، ئان حه‌رامه ئان مه‌كروهه ئان موسته‌حه‌به (سونه‌ته) وئان ژی موباحه (كرن ونه‌كرنا وان وه‌ك هه‌ڤه).

وهه‌ر موسلمانه‌ك مه‌جبوره خوه بده‌ليله‌كی بگرت كو باوه‌ری پێ هه‌بت و بزانت ئه‌ڤ ده‌ليل عه‌مه‌لێ وی و عباده‌ت ومه‌عه‌مله‌تێن وی وهه‌می تشتێن دينێ وی دگهينت سه‌ر رێكاخودێ.

و چ حوكم نابن شه‌رعی ونابن حوكمێ خودێ نه‌حه‌تا ژ وی  سه‌ركانيی يين وه‌رگرتن يا خودێ ژ به‌نده‌يێن خوه را ديار كری، ونه‌وه‌ك يێك بونا مه‌زهه‌ب و گوتنا لفقه (شه ريعه‌ت) وعه‌قيدێ دا زێده‌ترێ جارا ژ به‌ر نه‌يێك بونا وا سه‌ركانيايه يێن كو زانايێن دينی بو زانينادين به‌هرێ ژێ وه‌ر دگرن.

ڤێجا وه‌كی وه‌لێ هات ئه‌م دبينن بوهه‌ر موسلمانه‌كی مه‌سه‌لا په‌يدا كرنا سه‌ركانيێت شه‌ريعه‌تێ پاش مه‌سه‌لا ته‌وحيدێ وپێغه‌مبه‌ريێ ژ هه‌می مه‌سه‌لێن دی موهم تره. چكو هه‌ر عه‌مه‌لێ بناڤێ دين بێت كرن و هه‌ر حوكمێ كو نسبه‌تاوی بێت دايين بال خودێڤه موسلمان دبارا وادا ژ خوه پرسيار دكت ئه‌ڤ تشت ب كيژان ئه‌صلی ڤه هات گريدان و ژ چ سه‌ركانيێ هات وه‌رگرتن؟

وپرسيار دكت ئه‌ڤ سه‌ركانی حه‌تا ب چ حه‌دّی باوه‌ری پێ تێت كرن ويه‌قين پێ هه‌يه كو ژ طه‌ره‌ف خودێڤه هاتيه دانين؟

ڤێجا ژ به‌ر موهميا مه‌سه‌لا سه‌ركانيێت شه‌ريعه‌تێ، دڤێت لڤێ لێكولينێ دا مه به‌رێخوه دانه‌ك هه‌بت بو سه‌ركانيێت شه‌ريعه‌تێ پاش وه‌فاتا پێغه‌مبه‌رێ خودێ‏صلی الله عليه وآله وسلم.

سونه‌تا پێغه‌مبه‌رصلی الله عليه وآله

بێ شك وشبهه سه‌ركانيا شه‌ريعه‌تێ ل‏بال هه‌می موسلمانا قورئانا پيروزه و سه‌ركانيا دوێ پاش قورئانێ سونه‌ت ورێكا پێغه‌مبه‌ره‌صلی الله عليه وآله وسلم، ول ئه‌ڤێ دا ژی چ شك نينه؛ سونه‌ت ورێكا پێغه‌مبه‌رصلی الله عليه وآله وسلم‏يانی كريارێن وی (فِعْلُهُ) وگوتنێن وی (حَديڤهُ) وته‌ئييد وجيدا هێلانا وی (تَقْريرُهُ).

 وه‌زٍيفێن سونّه‌تێ ژی ئه‌ڤن:

1 - تشتا قورئانا پيروز ب ئجمال (نه‌گه‌له‌ك ئه‌شكه‌ره) گوتی سونه‌ت ئه‌وێ رٍوناهی وبه‌يان دكت.

نظرات

ارسال نظر

* فیلدهای ستاره دار حتما بایستی مقدار داشته باشند.