ئمام مه‌هدی (س) د نێرینا قورئانێ د‌ا

ئمام مه‌هدی (س) د نێرینا قورئانێ د‌ا

قورئانا پیرووز سه‌ركه‌هنی یا زه‌لالا زه‌لالترین زانینێن ئلاهی یه‌ و ئه‌و حكمه‌ت و زانینێن كو به‌شه‌ر موحتاجێ وا نه‌ تێدا هه‌نه. كتابه‌كه ‌سه‌راسه‌ر راستی و دورستی كو خه‌به‌رێن بووری و هێژ بێ یان تێدا هاتنه ‌و قه ‌چ حه‌قیقه‌ت نه‌گووتی نه‌هشتنه. ئه‌لبه‌ت رووناهی یه‌ كو حه‌قیقه‌تێن به‌رفره‌هێن عاله‌مێ هه‌می د كویراتی یا ئایه‌تێن ئلاهی دا ڤه‌شارتی نه ‌و تنێ ئه‌وێن كویراتی یا مه‌عنا وان زانن دكارن ب ڤا حه‌قیقه‌تان بحه‌سن، ئه‌و ژی ئه‌هلێ قورئانێ و موفه‌سرێن وێ یێن حه‌قیقی نه‌ كو پێغه‌مبه‌رێ ئه‌كره‌م (ص) و بنه‌مالا وی یا پاكن.
رابین و شوورشا ئاخرین سه‌فیرێ ئلاهی ژ مه‌زنترین حه‌قیقه‌تێن جهانێ یه‌ كو د گه‌له‌ك ئایه‌تێن قورئانا كه‌ریم دا ژێ ھاتیه‌ به‌حس كرن و روایه‌تێن زه‌حفی د ته‌فسیرا وا ئایه‌تا دا هاتنه‌ كو ئه‌مێ ئشاره‌ بكین بال چه‌نده‌كا ڤه:
د ئایه‌تا 105 یا سووره‌تێ ئه‌نبیاء دا هاتیه: «و لقد كتبنا فی الزبور من بعد الذكر ان الأرض یرثها عبادی الصالحون – و بێ شك دپه‌ی زكرێ دا [ته‌ورات] مه‌ د زه‌بوورێ دا نڤیسیه‌ كو به‌نده‌یێن من یێن قه‌نج میراتبه‌رێن عه‌ردێ نه»
ئمام باقر (س) كه‌ره‌م كریه: مه‌خسه‌د ژ عه‌ڤدێن قه‌نج كو میراسا عه‌ردێ ژ وارا یه، ئمام مه‌هدی (س) و یارانێن وی نه.
ئایه‌تا 5 یا سووره‌تێ قه‌صه‌ص كه‌ره‌م دكێ: «و نرید أن نمن‌ّ علی الذین استضعفوا فی الأرض و نجعلهم الأحبآ و نجعلهم الوارثین – و مه ‌ئراده‌ كریه كو ئه‌م قه‌نجیه‌ك زه‌حفی ل ‌موسته‌زعه‌فا بكین و ئه‌وا بكین ئمام و میراتبه‌رێن عه‌ردێ».
ئمام عه‌لی (س) كه‌ره‌م كریه: مه‌خسه‌د بنه‌مالا پێغه‌مبه‌رن (ص) . وێ خودێ ته‌عالا پشتی خه‌بات و زه‌حمه‌تێ وان مه‌هدی یێ ژ ڤێ بنه‌مالێ راكێ و ته‌وا بگهێنێ بلندترین ده‌ره‌جا عه‌زیزی و قووه‌ت و قودره‌تیێ و دوژمنێ وان ب شكله‌ك دژوار زه‌لیل بكێ.
د قه‌ته‌ك ژ ئایه‌تا 86 یا سووره‌تێ هوود دا هاتیه: «... بقیة ‌الله‌ خیر لكم ان كنتم مؤمنین – به‌قیه‌توللاھ ‌ژ هه‌وه‌ را باشتره‌ ئه‌گه‌ر هوون موئمن بن».
ئمام باقر (س) كه‌ره‌م كریه: ده‌ما مه‌هدی (س) ئه‌شكه‌ره ‌ببێ وێ پالا خوه‌ بدێ دیوارێ كه‌عبێ و ئه‌ولین گووتنا كو بێژێ ئه‌ڤ ئایه‌ته‌؛ ڤێجا پاشێ دبێژێ: أنا بقیة‌ الله ‌فی أرضه ‌و خلیفته ‌و حجته‌ علیكم – ئه‌زم به‌قیه‌توللاھ ‌د عه‌ردێ وی دا و ئه‌زم جیگر و حوججه‌تا وی ل سه‌ر هه‌وه، ڤێجا حه‌چی كه‌سێ بخازێ سه‌لامێ بدیێ، دبێژێ: السلام علیك یا بقیة ‌الله ‌فی ارضه.
د ئایه‌تا 17 یا سووره‌تێ حه‌دید دا هاتیه: «إعلموا أن الله‌ یحیی الأرض بعد موتها قد بینا لكم الآیات لعلكم تعقلون – بزانن كو براستی خودێ وێ پشتی مرنا عه‌ردێ ئه‌وێ ساخ ڤه‌ بكێ، موحه‌قه‌ق ئه‌ڤه‌ مه‌ ئایه‌ت ژ هه‌وه‌ره ‌به‌یان كرن دا به‌لكی هوون بدن عه‌قلێ خوه».
ئمام صاد‌ق (س) كه‌ره‌م كریه: مه‌خسه‌د ئه‌ڤه‌ كو پشتی مرنا عه‌ردێ ژ به‌ر زولما سه‌رووكێن ل رێ خه‌له‌ت، وێ خودێ ته‌عالا عه‌ردێ ساخ بكێ پێ عه‌داله‌تا حه‌زره‌تێ مه‌هدی (س) د ده‌ورانا ئه‌شكه‌ره‌ بوونا وی دا.

نظرات

ارسال نظر

* فیلدهای ستاره دار حتما بایستی مقدار داشته باشند.