غه‌یبه‌ت (ڤه‌شارتن)

غه‌یبه‌ت (ڤه‌شارتن)

مقالات مرتبط

پشتی كو ئه‌م د‌ گه‌ل شه‌خصیه‌تا مونجی یێ مه‌زنێ عاله‌مێ و د‌ گه‌ل هه‌ده‌فێن ئاده‌م (س) حه‌تا ب خاته‌م (ص) و ئاخرین زه‌خیرا ئلاهی حه‌زره‌تێ حجة ‌بن الحسن (س) ناس بین، نها ئه‌مێ ده‌رحه‌ق ڤه‌شارتنا (غه‌یبه‌تا) ئه‌وی عه‌زیزێ ده‌ورانێ د‌ا باخڤین كو ئه‌ڤ ده‌وران پشكه‌ك موهممه‌ ژ ژیانا وی.
مه‌فهوومێ غه‌یبه‌تێ
ئه‌ولین نوكتا ژێ ئاخفتنێ ئه‌وه‌ كو غه‌یبه‌ت ب ‌مه‌عنا «په‌رده‌بوویی و خه‌فێ ژ به‌ر چاڤا یه» نه ‌كو نه‌حازر بێ. ڤێ گووره‌كێ ل ڤێده‌رێ خه‌به‌ردان ژ وێ ده‌ورانێ یه‌ كو ئمام مه‌هدی (س) ژ به‌ر چاڤان ڤه‌شارتی و خه‌فه ‌و ئه‌م وی نابینن و ئه‌ڤ د حاله‌كی دا یه‌ كو ئه‌و گرانقه‌د‌ر دناڤ خه‌لكێ دا یه ‌و ل كێله‌كا وا دا دژی، ئه‌ڤ حه‌قیقه‌تا هه‌نێ د روایه‌تێن ئمامێن پاك دا ب ‌شكلێن موخته‌لف ژێ ھاتیه‌ ئاخفتن.
ئمام عه‌لی (س) كه‌ره‌م كریه: صووند بخودایێ عه‌لی حوججه‌تا خودێ دناڤ خه‌لكێ دا هه‌یه ‌و د رێكا دا گاڤا خوه‌ تاڤێژێ و سه‌را مالێن وا ددێ و د شه‌رق و غه‌ربێ عه‌ردێ دا تێ و دچێ، خه‌به‌ردانا خه‌لكێ سه‌ح دكێ و سه‌لامێ ددێ وان، دبینێ لێ نایێ دیتن، حه‌تا وه‌ختێ وه‌عده‌ هاتی دان.
ئه‌لبه‌ت ئاوایه‌ك دی یێ غه‌یبه‌تێ ژی ژ وی حه‌زره‌تی را ھاتیه‌ گووتن. نائبێ تایبه‌تێ دووێ یێ وی حه‌زره‌تی (س) دبێژێ: ئمام مه‌هدی (س) هه‌ر سال د وه‌ختێ حه‌جێ دا ناڤ مه‌راسمێ دا حازر دبێ، خه‌لكێ دبینێ و ئه‌وا ناس دكێ و خه‌لك ژی ئه‌وی دبینن لێ ئه‌وی ناس ناكن.
ڤێ گووره‌كێ ده‌رحه‌ق ئمام مه‌هدی دا (س) غه‌یبه‌ت ب ‌دو ئاوایا یه، ئه‌و عه‌زیز جارنا ژ به‌ر چاڤان ڤه‌شارتی یه‌ و جارنا ژی تێ دیتن لێ نایێ ناس كرن، لێ چه‌وا بێ د ناڤ خه‌لكێ دا حازره.

نظرات

ارسال نظر

* فیلدهای ستاره دار حتما بایستی مقدار داشته باشند.