د روایه‌تێن پێغه‌مبه‌ر (ص) و ئه‌هلێ به‌یتا وی دا (س) شه‌مل و وه‌صفێ حه‌زره‌تێ مه‌هدی (س) هاتنه‌ دایین كو ‌ئه‌مێ هنه‌ك ژ وان بێژین:
رویه‌ك جوان و گه‌نمی هه‌یه، ئه‌هنی بلند و رووناهی یه، برهێن هلالی و كشهایی هه‌نه‌ چاڤێن وی ره‌ش و گرن، دفنه‌ك (پووز) سپه‌حی و كشهایی هه‌یه‌ و ددانێن وی شه‌وق ددن. ل سه‌ر ڵاما وی یا راستی نیشانه‌ك ره‌ش هه‌یه‌ و ل ناڤ ملێ وی دا ئه‌سه‌ره‌ك وه‌ك یا نوبووه‌تێ تێ دیتن و ئه‌ندامێن وی یێن پیرووز ل هه‌ڤ تێن و دل ره‌ڤێنه.
هنه‌ك ‌ژ تایبه‌تی یێن وی یێن دی کو د ئاخفتنێن ئمامێن پاك دا هاتین ب ڤی ئاوایی نه:
ئه‌و ئه‌هلێ عباده‌ت و نمێژا شه‌ڤێ یه، زاهده ‌و ژیانه‌ك ‌ساده‌ هه‌یه‌ و صه‌برداره ‌و حه‌لیمه ‌و ئه‌هلێ عه‌داله‌ت و قه‌نجیێ یه. ژ نه‌زه‌ر علم و زانینێ ڤه ‌سه‌ر هه‌می كه‌سی را یه ‌و وجوودا وی سه‌ركانیا به‌ره‌كه‌ت و پاكی یا یه. ئه‌هلێ قیام و جهادێ یه، ره‌هبه‌رێ جهانێ و شوورشگه‌رێ مه‌زن و مونجی یێ ئاخری و موصلحێ مه‌وعودێ به‌شه‌ره. ئه‌و عه‌زیز، ژ زوریه‌تا پێغه‌مبه‌ره‌ (ص) و ژ ئه‌ولادێ فاطما‌ زه‌هرا یه ‌(س). زارووكێ نه‌هێ یێ ئمام حوسه‌ینه‌ (س) كو د وه‌ختێ ئه‌شكه‌ره ‌بوونێ دا وێ پالا خوه ‌بدێ كه‌عبێ، وێ ئالا یا پێغه‌مبه‌ر (ص) بگرێ ده‌ستخوه ‌و پێ رابینا خوه‌ وێ دینێ خودێ ساخ بكێ و حوكمێن شه‌ریعه‌تا وی ل سه‌رێ جهانێ دا بێخێ رێ، وێ جهانێ ته‌ژی دلووڤانی و عه‌داله‌ت بكێ پشتی كو ته‌ژی زولم دبێ.
ژیانا ئمام مه‌هدی (س) شاملێ سێ ده‌ورێن ب زه‌حمه‌ته:
1– ده‌ورانا خه‌فیێ: ئه‌ڤ ده‌وران ژ زه‌مانێ ولاده‌تا وی یه‌ حه‌تا ب شه‌هاده‌تا ئمام عه‌سكه‌ری (س).
2– ده‌ورانا ڤه‌شارتی بوونێ: ئه‌ڤ ده‌وران (غه‌یبه‌ت) ژ زه‌مانێ شه‌هید بوونا ئمامێ یازدێ (س) ده‌سپێ بوویه ‌و حه‌تا وه‌ختێ كو خودێ بخازێ ئه‌وی ئه‌شكه‌ره‌ بكێ وێ به‌رده‌وام بێ.
3 – وه‌ختێ ئه‌شكه‌ره ‌بوونێ: پشتی خلاس بوونا ده‌ورانا ڤه‌شارتی بوونێ (غه‌یبه‌تێ) و ب خوه‌ستا خودێ، وێ ئمامێ دازدێ (س) ده‌ركه‌ڤێ (ئه‌شكه‌ره‌ ببێ) و وێ دنیایێ ته‌ژی بكێ ژ قه‌نجی و سپه‌حیتاهیێ. كه‌س وه‌ختێ ده‌ركه‌تن و ئه‌شكه‌ره‌ بوونا ئه‌وی مه‌وعوودێ مونته‌زه‌ر نزانێ. ژ ئمامێ زه‌مان (س) روایه‌ت نه‌قل بوویه‌ كو ئه‌وێن وه‌خته‌كی ژ ئه‌شكه‌ره‌ بوونێ را كفش دكن ئه‌و ده‌ره‌و كه‌رن.