ژ داییك بوونا ئمام مه‌هدی (س) حه‌تا ب شه‌هاده‌تا ئمام عه‌سكه‌ری (س)

ژ داییك بوونا ئمام مه‌هدی (س) حه‌تا ب شه‌هاده‌تا ئمام عه‌سكه‌ری (س)

مقالات مرتبط

ئه‌ڤ ده‌ورانا ژیانا ئمام مه‌هدی (س) نوكتێن گه‌له‌ك موهم تێدا هه‌نه‌ كو ئه‌مێ ئشاره‌ بكین بال هنه‌ك ژ وا ڤه:
ناساندنا ئمام مه‌هدی (س) ژ په‌یره‌وێن ئه‌هلێ به‌یتێ را.
چكو ولاده‌تا ئمام مه‌هدی (س) خه‌ف چێبی، طرسا وێ چه‌ندێ هه‌بی كو په‌یره‌وێن ئه‌هلێ به‌یتێ ده‌رحه‌ق ناسینا ئاخرین حوججه‌تێ خودێ دا بكه‌ڤن خه‌له‌تیێ و ل رێ وندا ببن. ئمام عه‌سكه‌ری (س) به‌رپرسیار بی كو كورێ خوه‌ ب كوومه‌كی ژ مه‌زنێن شیعا و مرووڤێن جهێ پێ باوه‌ریێ بد‌ێ ناس كرن، دا كو ئه‌و ژی خه‌به‌رێ ولاده‌تا وی بگهینن په‌یره‌وێن دی یێن ئه‌هلێ به‌یتێ (س) دا كو ب ڤی ئاوایی هه‌م ئه‌و بێ ناساندن و هه‌م ژی خه‌ته‌ره‌ك ژ ئاخرین حوججه‌تێ خودێ را نه‌یێ پێش.
ئه‌حمه‌دێ كورێ ئسحاق كو ژ مرووڤێن مه‌زن و ژ په‌یره‌وێن تایبه‌تێ ئمامێ یازدێ یه‌ (س) دبێژێ: ئه‌ز چووم بال ئمام عه‌سكه‌ری (س) و من دخوه‌ستا ئه‌ز ژ ئمامێ پاش وی ئاگاھ ‌ببم و پرسیارێ بكم. لێبه‌لێ هێجا من تشته‌ك نه‌گووتی، ئه‌وی كه‌ره‌م كر: ئه‌ی ئه‌حمه‌د! بێ شك خودایێ ته‌عالا ژ وی زه‌مانی ڤه‌ كو ئاده‌م خولقاندی، عه‌رد ژ حوججه‌تا خوه‌ ڤاله‌ نه‌هشتیه‌ و حه‌تا قیامه‌تێ ژی وێ وها بێ. ب رێكا حوججه‌تا خودێڤه‌ به‌لا ژ سه‌ر ئه‌هلێ عه‌ردێ تێن هلانین و باران تێ باراندن و فه‌یدێن عه‌ردێ ده‌ردكه‌ڤن.
من گووت: ئه‌ی كورێ ره‌سوولێ خودێ! ئمام و جیگرێ پاش ته‌ كی یه‌؟ ئه‌و حه‌زره‌ت بله‌ز و به‌ز چو مالدا و زڤری د حاله‌كی د‌ا كو كوره‌ك سێ سالی كو وه‌ك هه‌یڤا شه‌ڤا پازدێ شه‌وق د‌دا ل سه‌ر ملا بی هات و كه‌ره‌م كر: ئه‌ی ئه‌حمه‌دێ كورێ ئسحاق، ئه‌گه‌ر تو ل بال حوججه‌تێن نه‌ ب قه‌د‌ر و قیمه‌ت بویای، من ئه‌ڤ كورێ خوه‌ نیشا ته‌ نه‌دكرا، ئه‌و هه‌ڤ ناڤ و هه‌ڤ كونیێ ره‌سوولێ خودێ یه ‌و كه‌سه‌كه‌ كو پشتی ته‌ژی بوونا عه‌ردێ ژ زولمێ وێ ئه‌و عه‌ردێ ته‌ژی عه‌داله‌ت بكێ.
من گووت: ئه‌ی سه‌روه‌رێ من! گه‌لو نیشانه‌ك هه‌یه‌ كو دلێ من پێ وێ رحه‌ت ببێ؟ د ڤی حالی دا ئه‌وی زارووكی خه‌به‌ردا و ب زمانێ ره‌وانێ عه‌ره‌بی گووت: «أنا بقیة‌الله‌ فی أرضه‌ و المنتقم من أعدائه... – ئه‌ز مایی یێ خودێمه ‌د عه‌ردێ وی دا و حه‌یف هلێنێ ویمه ‌ژ دوژمنێن وی، ئه‌ی ئه‌حمه‌دێ كورێ ئسحاق، پشتی ڤێ یا كو تو ب چاڤێ خوه ‌دبینی نه ‌ل په‌ی نیشانا به». ئه‌حمه‌دێ كورێ ئسحاق دبێژێ: ڤێجا [پشتی ڤێ خه‌به‌ردانێ] ئه‌ز بكه‌یفخوه‌شی ژ مالا ئمام (س) ده‌ركه‌تم.
ھه‌ر وھا موحه‌ممه‌د بن عوسمان  و چه‌ند كه‌س دی ژ مه‌زنان، نه‌قل كرنه‌ كو: ئه‌م چل كه‌س ژ مه‌زنێن په‌یره‌وێن ئه‌هلێ به‌یتێ لبال ئمامێ یازدێ جڤیان، ئه‌وی حه‌زره‌تی كورێ خوه‌ نیشا مه‌ كر و گووت: پشتی من، ئه‌ڤ ئمامێ هه‌وه‌ و جیگرێ منه، گوهێ خوه‌ بدن وی، پشتی من د دینێ خوه‌ دا بلاڤ نه‌بن كو هوونێ ل هه‌لاكێ بچن. پشتی ئیرو ئێدی هوون ئه‌وی نابینن.
جیێ گووتنێ یه‌ كو یێك ژ به‌رنامێن دینی و سوننه‌تێن كو هاتین ته‌بیین كرن، عه‌قیقه ‌و وه‌لیمه ‌دانه ‌ژ زارووكێ تازه‌ وه‌لدی را، یانی سه‌ر ژێ كر‌نا په‌زه‌كی و خارن دانا ژ كوومه‌كی را كو ژ بونا سه‌لامه‌تی و عه‌مر درێژی یا زارووك ته‌ئسیره‌ك پر زێده‌ هه‌یه. ئمام عه‌سكه‌ری (س) گه‌له‌ك جاران عه‌قیقه‌ ژ زارووكێ خوه ‌را دا  دا كو هه‌م ب سوننه‌تا قه‌نجا پێغه‌مبه‌ر (ص) عه‌مه‌ل كربێ و هه‌م ژی په‌یره‌وێن ئه‌هلێ به‌یتێ ب ولاده‌تا ئمامێ دازدێ حه‌ساند بێ.
موحه‌مه‌‌دێ كورێ ئبراهیم دبێژێ: ئمام عه‌سكه‌ری (س) ژ بونا یێك ژ په‌یره‌وێن خوه‌ په‌زه‌ك سه‌ر ژێ كری رێكر و كه‌ره‌م كر: ئه‌ڤاهه ‌ژ عه‌قیقا كورێ من «موحه‌ممه‌ده»
كه‌رامات
یێك ژ قسمه‌تێن شیرینێ ژیانا ئمام مه‌هدی (س) رسالێن ئه‌ولێ ولاده‌تا وی و پێشیا ڤه‌شارتنێ (غه‌یبه‌تێ) دا ئه‌و كه‌رامه‌تێن كو سه‌رده‌ستێ ئه‌وی حه‌زره‌تی پێك هاتنه، و مه‌عمووله‌ن ئه‌ڤ قسمه‌ت ژ ژیانا وی ھاتیه‌ ژ بیر كرن. ئه‌مێ ل ڤێده‌رێ تنێ نمونه‌یه‌كی بینن:
ئبراهیم بن ئه‌صعه‌دێ نیشابوری دبێژێ: ده‌ما عه‌مرێ كورێ عروف [كو حاكمه‌ك زالم بی و پر حه‌ژ كوشتنا شیعان دكرا] نیه‌ت كر من بكوژێ، ئه‌ز پر طرسیام و سه‌هوێ ئه‌ز گرفتم. ڤێجا من خاترێ خوه‌ ژ دوست و ئه‌حبابا خوه‌ست و به‌رێ خوه ‌د‌ا مالا ئمام حه‌سه‌نێ عه‌سكه‌ری (س) دا ئه‌ز خاترێ خوه‌ ژ وی ژی بخازم و من دخوه‌ستا كو پشتی وێ ئه‌ز بره‌ڤم و خوه‌ خلاس كم. ده‌ما ئه‌ز چووم مالا ئمام، من ل كێله‌كا ئمام حه‌سه‌نێ عه‌سكه‌ری دا كوره‌ك دیت كو رویێ وی وه‌ك مه‌ها شه‌ڤا چارده‌ھێ شه‌وق د‌دا، ب ئاوایه‌ك وه‌ره‌نگ كو ئه‌ز ژ رووناهی یا رویێ وی حه‌یری مام و كێم مابی ئه‌ز ئه‌وێ یا د دلێ خوه‌ د‌ا [طرس و ره‌ڤ] ژ بیر بكم.
[د وی حالی دا ئه‌وی زارووكی] گووت من: «ئبراهیم، نه‌لازمه ‌تو بره‌ڤی، ژ نێزیكدا وێ خودێ به‌لا وی ژ ته‌ بدێ پاش». حه‌یره‌تا من زه‌حفتر بی و من گووت ئمام عه‌سكه‌ری (س): ئه‌ز گوهری! ئه‌ڤ كورك كیه‌ كو ژ دلێ مرووڤ دئاخڤێ؟! ئمام (س) كه‌ره‌م كر: ئه‌و كورێ من و جیگرێ پشتی منه... ئبراهیم دبێژێ: ئه‌ز د حاله‌كی دا ده‌ركه‌تم كو ئه‌ز هێڤیدارێ لوتفا خودێ بیم و من باوه‌ری په‌یدا كربی ب وێ یا من ژ ئمامێ دازدێ سه‌ح كری. پشتی زه‌مانه‌كی مامێ من مزگینی یا كوشتنا عه‌مرێ عروف دا من.

نظرات

ارسال نظر

* فیلدهای ستاره دار حتما بایستی مقدار داشته باشند.