ئمام مه‌هدی (س) د نێرینا روایه‌تان د‌ا

ئمام مه‌هدی (س) د نێرینا روایه‌تان د‌ا

به‌حسا ئمام مه‌هدی (س) ژ وا به‌حسا یه ‌كو وێ ده‌رحه‌قێ دا گه‌له‌ك روایه‌ت د ده‌ستێ مه ‌دا هه‌نه ‌و به‌صابه‌رووكێن موخته‌لفێن ژیانا وی دكن، وه‌ك ژ دایك بوونا وی، ده‌ورانا زاروكی یا وی، ڤه‌شارتنا وی (غه‌یبه‌تا وی) یا كورت و درێژ (صوغرا و كوبرا) نیشانێن ده‌ر كه‌تن و ئه‌شكه‌ره‌ بوونا وی و حوكمه‌تا وی یا جهانی. ئه‌ڤ روایه ‌ژ پێشكارێن دینی هاتنه‌ روایه‌ت كرن. ھه‌ر وھا كوومه‌ك روایه‌ت هه‌نه‌ كو ده‌رحه‌ق تایبه‌تی یێن به‌ده‌نی و ئه‌خلاقی دئاخڤن و ژ تایبه‌تی یێن زه‌مانێ ڤه‌شارتنا وی و سه‌راتی و كرها وایێن هێڤیا هاتنا وی به‌حسێ دكن. و یا خوه‌ش ئه‌ڤه‌ كو گه‌له‌ك ژ ڤا روایه‌تان هه‌م د كتیبێن سونیا دا و هه‌م ژی د یێن شیعا دا هاتنه، ھه‌ر وھا گه‌له‌ك ژ حه‌دیسێن ده‌رحه‌ق ئمام مه‌هدی دا (س) د ‌ده‌ره‌جا «ته‌واتورێ» دا نه.
ئه‌ڤ ژی گه‌ره‌كه‌ بێ گووتن كو یێك ژ تایبه‌تی یێن ئه‌وی حه‌زره‌تی ئه‌ڤه‌ كو مه‌عصوومان هه‌می یان (س) ئاخفتنێن په‌تی ده‌رحه‌ق وی دا گووتنه‌ كو ده‌رحه‌ق وی دا كوومه‌ك ژ زانینا به‌رهه‌ڤێ سه‌رھه‌ف بیه‌ و موهمیا قیام و رابینا ئه‌وی په‌رچه‌مڤانێ (ئالد‌ارێ) عه‌داله‌تێ نیشان ددن. موناسبه‌ كو ل ڤێده‌رێ ئه‌م ژ هه‌ر یێك ژ وا روایه‌ته‌كی بینن:
پێغه‌مبه‌رێ ئه‌كره‌م (س) كه‌ره‌م كریه: خوه‌زكا وی كه‌سێ مه‌هدی (س) ببینێ و خوه‌زكا وی كه‌سێ حه‌ژ وی بكێ و خوه‌زكا وی كه‌سێ ئمامه‌تا وی باوه‌ر بكێ.
ئمام عه‌لی (س) كه‌ره‌م كریه: هێڤیا [فه‌ره‌ج و] به‌رفره‌هیێ بن [ژ ئالێ موحه‌ممه‌د (ص) را] و ژ ره‌حمه‌تا خودێ بێ هێڤی نه‌بن، براستی كو مه‌حبووبترینێ كار و عه‌مه‌لان بال خودایێ مه‌زن، ئنتزارا فه‌ره‌جێ یه.
د له‌وحا فاطمێ زه‌هرا دا (س) ھاتیه‌ كو: ... پاشێ ژ به‌ر ره‌حمه‌تا ل سه‌ر جهانی یان ئه‌زێ سلسلا وه‌صیان پێ كورێ ئمام حه‌سه‌نێ عه‌سكه‌ری (س) كامل بكم؛ ئه‌و كه‌سێ كو خوه‌یێ كه‌مالا مووسا (س) و مه‌زناهی یا عیسا (س) و صه‌برا ئه‌یووبه‌ (س) ...
ئمام حه‌سه‌نێ موجته‌با (س) كه‌ره‌م كریه: - د روایه‌ته‌كی دا كو به‌حسا زه‌حمه‌تی یێن زه‌مانێ پشتی پێغه‌مبه‌ر (ص) دكێ - خودێ وێ د ئاخرێ زه‌مان دا زه‌لامه‌كی راكێ... وێ ب رێكا مه‌لائیكه‌تێن خوه‌ڤه‌ ئاریكاریا وی بكێ و یارانێن وی بپارێزێ... و وێ ئه‌وی سه‌ر هه‌می رونشتی یێن د عه‌ردێ دا بێخێ... وێ ئه‌و عه‌ردێ ته‌ژی بكێ ژ عه‌داله‌ت و رووناهی و ده‌لیلێن ئه‌شكه‌ره‌... خوه‌زكا وی یێ زه‌مانێ وی ببینێ و گووتنا وی گوهلێ ببێ.
ئمام حوسه‌ین (س) كه‌ره‌م كریه: .... وێ خودێ پێ وی عه‌ردێ مری ساخ بكێ و پێ وی وێ دینێ حه‌ق سه‌ر هه‌می دینا بێخێ هه‌رچه‌ند نه‌ل سه‌ر دلێ موشركا بێ. ژ وی را ڤه‌شارتنه‌ك هه‌یه‌ كو د وێ دا وێ كوومه‌ك ژ دین بزڤرن و كوومه‌ك دی وێ د دین د‌ا قاییم بمینن... موحه‌قه‌ق ئه‌وێ د زه‌مانێ غه‌یبه‌تا وی (ڤه‌شارتی بوونا وی) دا صه‌بر بكێ ل سه‌ر ئه‌زیه‌ت و ئنكاران، و خوه ‌راگرێ وه‌ك وی كه‌سی یه‌ ئه‌وێ ل به‌راهیكا ره‌سوولێ خودێ د‌ا (ص) پێ شویر جهادێ بكێ.
ئمام سه‌جاد (س) كه‌ره‌م كریه: كه‌سێ د زه‌مانێ ڤه‌شارتی بوونا قائمێ مه ‌دا ل سه‌ر دوستینی یا مه‌ سابت بمینێ، خودێ خێرا هه‌زار شه‌هیدا ژ شه‌هیدێن به‌در و ئوحودێ ددیێ.
ئمام باقر (س): وێ زه‌مانه‌ك سه‌ر خه‌لكێ دا بێ كو وێ ئمامێ وان بێ ڤه‌شارتن، ڤێجا خوه‌زكا وا كه‌سێن د وی زه‌مانی دا ل سه‌ر ڤی ئه‌مری [مه‌سه‌لا ولایه‌تێ] سابت بمینن.
ئمام صاد‌ق (س): ژ بونا قائم (س) دو ڤه‌شارتن هه‌نه، یێك كورته ‌و یا دی درێژ.
ئمام كازم (س): وێ ئمام ژ به‌ر چاڤێ خه‌لكێ خه‌ف ببێ، لێبه‌لێ بیرا وی ژ دلێ موئمنا ناچێ.
ئمام رضا (س): ده‌ما رابێ وێ عه‌رد پێ نوورا وی رووناهی ببێ و وێ ئه‌و ته‌رازویا عه‌د‌اله‌تێ خه‌لكێ را ده‌ینێ، ڤێجا ئێدی كه‌سی زولمێ ل كه‌سی ناكێ.
ئمام جه‌واد (س): قائمێ مه‌ ئه‌وه‌ یێ كو د زه‌مانێ غه‌یبه‌تا وی دا لازمه‌ خه‌لك بمینن هێڤیێ و ده‌ما رابی گوهدارێ وی بن.
ئمام هادی (س): ئمامێ پاش من كورێ من حه‌سه‌نه ‌و پشتی وی كورێ وی «قائم»ه؛ ‌ئه‌وێ عه‌ردێ ته‌ژی زولم بوویی ته‌ژی عه‌داله‌ت دكێ.
ئمام حه‌سه‌نی عه‌سكه‌ری (س): حه‌مد‌ ژ وی خودایی را ئه‌وێ ئه‌ز ژ دنیایێ نه‌بریم، حه‌تا جیگرێ من نیشا من كری، ئه‌و ژ نه‌زه‌ر خه‌لق و خولقڤه‌ شه‌بیهترین كه‌سه ‌ژ ره‌سوولێ خودا را (ص)  ...

نظرات

ارسال نظر

* فیلدهای ستاره دار حتما بایستی مقدار داشته باشند.