سیره‌تا حوكمه‌تی یا ئمام

سیره‌تا حوكمه‌تی یا ئمام

مقالات مرتبط

هه‌ر حاكمه‌ك د ئاوایێ ئداره‌كرنا حوكمه‌تا خوه‌دا ئاوا و شكله‌ك مه‌خصوص و تایبه‌ت هه‌یه ‌كو حوكمه‌تا وی ژیێن دی ڤه‌دقه‌تێنێ ، ئمامێ مه‌وعوود؛ مه‌هدی یێ مونته‌زه‌ر (س) ژی ده‌ما حوكمه‌تا جهانی بده‌ست خوه ‌دگرێ د رێڤه ‌برنا وێ د‌ا ته‌یبیر و مه‌توده‌ك تایبه‌ت هه‌یه. هه‌رچه‌ند د به‌حسێن بوورییدا مه ‌ئشاره ‌كر بال هنه‌ك گوشێن رێچكا وی ڤه‌ ‌لێبه‌لێ ژبه‌ر موهمیا مه‌سه‌لێ، د جی دا یه ‌كو ئه‌م ب شكله‌ك موسته‌قل و سه‌ر بخوه ‌ئه‌ڤێ مه‌سه‌لێ باڤێژین به‌ر لێكوولینێ و پێ به‌رچاڤ كرنا به‌یڤێن زه‌لال یێن پێغه‌مبه‌ر (ص) و ئمامێن پاك ئاوایێ‌ رێڤه ‌برنا حوكمه‌تا ئمام مه‌هدی (س) باشتر ناس بكین.
ئه‌وا كو ل ده‌سپێكێ دا لازمه ‌ئه‌م ل سه‌ر بسه‌كنین ئه‌ڤه‌ كو روایه‌تا شكله‌ك كوللی و گشتی ژ سیره‌ت و رێچكا ئه‌وی گرانقه‌دری دایه ‌ده‌ستێ مه، ئه‌و ژی ئه‌ڤه‌ كو سیره‌تا ئمام مه‌هدی هه‌ما سیره‌تا پێغه‌مبه‌رێ ئسلامێ یه‌ (ص) و ب وی ئاوایێ‌ كو پێغه‌مبه‌ر (ص) د زه‌مانێ خوه ‌دا د‌ گه‌ل جاهلیه‌تا به‌شه‌ر ب هه‌می شكلێن وی ڤه‌‌ به‌ربه‌ره‌كانی كر و ئسلاما خالص كو به‌خته‌وه‌ری یا دنیا و ئاخره‌تا به‌شه‌ر ل خوه ‌گرتیه ‌ل عه‌ردێ دوور و به‌رێ خوه ‌د‌ا ‌كر حاكم، حه‌زره‌تێ مه‌هدی ژی (س) وێ د‌ گه‌ل جاهلیه‌تا نو وكو ب ئێشتره ‌ژ جاهلیه‌تا كه‌ڤن به‌ربه‌ره‌كانی یێ بكێ و بهاده‌رێن ئسلامی و خودایی ل سه‌ر كاڤلێن جاهلیه‌تا موده‌ر‌ن ئاڤا بكێ.
ژ ئمام صادق (س) ده‌رحه‌ق سیره‌تا ئمام مه‌هدی دا پرسیار هات كرن، ئه‌وی كه‌ره‌م كر: یصنع كما صنع رسول الله (ص) یهدم ما كان قبله‌ كما هدم رسول الله‌ (ص) امر الجاهلیآ و یستأنف الاسلام جدیدا – وێ ئه‌و وه‌ك ره‌سوولێ خودێ (ص) عه‌مه‌ل بكێ، وه‌ك چه‌وا ره‌سوولێ خودێ (ص) كار و بارێ جاهلیه‌تێ هه‌دم كر و ژ ناڤ بر وێ ئه‌و ‌ژی ئه‌وی كاری بكێ و وێ ژ نووڤه ‌ده‌س (ئاڤا كرنا) ئسلامێ بكێ
سیاسه‌تا كو‌للی یا ئمامێ مه‌وعوود (س) د زه‌مانێ حوكمه‌تا وی دا ئه‌ڤه‌. ئه‌لبه‌ت شه‌رط و مه‌رجێن نه‌وه‌ك هه‌ڤ وێ ببێ سه‌به‌بێ گوهه‌رینا د ئجرا كرن و حوكمه‌ت داری یێ دا كو د روایه‌تا د‌ا ژی ژێ هاتیه ‌ئاخفتن و ئه‌مێ دپشكێن سه‌ربخوه‌دا ژێ باخڤین.

نظرات

ارسال نظر

* فیلدهای ستاره دار حتما بایستی مقدار داشته باشند.