لازمیا ژێ ئاخفتنا به‌حسێن مه‌هدیتیێ

لازمیا ژێ ئاخفتنا به‌حسێن مه‌هدیتیێ

مقالات مرتبط

د جه‌وابێ د‌ا گه‌ره‌كه‌ بێ گووتن كو به‌حسا مه‌هدیتیێ ژ وا به‌حسا یه‌ كو نه‌خشه‌ك كلیدی هه‌یه‌ د ژیانا به‌شه‌ر دا و ژ جھه‌‌تێن موخته‌لف ڤه‌ گرێدانه‌ك راسته‌راست هه‌یه ‌د‌ گه‌ل حه‌یاتا ئنسان و گه‌له‌ك د جی دا یه‌ كو زانا و لێكوول د ڤێ مه‌یدانێ دا خه‌باته‌ك چه‌ند به‌رابه‌ر بكن.
ژ بونا ئه‌شكه‌ره‌ بوونا ته‌مامی یا لازمی یا ژێ ئاخفتنا زانینێن مه‌هده‌وی دا (س) ئه‌مێ ب شكله‌ك‌ فه‌هره‌ستی ژ چه‌ند مه‌سه‌لا باخڤین:
1 – مه‌سه‌لا ئمام مه‌هدی (س) دزڤرێ بال مه‌سه‌لا ئه‌ساسی و بنیاتی یا ئمامه‌تێ ڤه‌، كو ژ ئه‌صلێن باوه‌ریێ یه ‌لبال په‌یره‌وێن ئه‌هلێ به‌یتێ. و د قورئان و سوننه‌تێ دا ژی به‌رفره‌ھ ژێ ھاتیه‌ ئاخفتن.
شیعه‌ و سوننیا ژ پێغه‌مبه‌ر (ص) روایه‌ت كرنه‌ كو كه‌ره‌م دكێ: «من مات و لم یعرف إمام زمانه‌ مات میتة ‌الجاهلیه‌– كه‌سێ د حاله‌كی دا بمرێ كو ئمامێ زه‌مانێ خوه ‌ناس نه‌كر بێ، ئه‌و ب مرنا جاهلی ڤه‌ مریه. 
گه‌لو به‌حسه‌ك كو ب هه‌می ژیانا مرووڤ ڤه‌ گرێدایی یه، نه‌حه‌قه‌ كو پتر لێ بێ نێرین؟
2 – ئمام مه‌هدی (س) ئمامێ دازدێ یێ سلسلا پاكا ئمامه‌تێ یه، ئه‌و ئمامه‌تا كو یێك ژ دو هه‌دیێن ره‌سوولێ خودێ یه‌ (ص) . د حه‌دیسه‌كی د‌ا كو سوننی و شیعان ژ پێغه‌مبه‌ (ص) نه‌قل كرنه ‌وها هاتیه: «إنی تارك فیكم الثڤلین كتاب الله‌ و عترتی؛ ما إن تمسكتم بهما لن تضلوا بعدی ابدا...» –براستی كو ئه‌ز دو تشتێن گران بها د ناڤ هه‌وه‌ دا د‌هێلم، قورئان و ئه‌هلێ به‌یتا خوه، حه‌تا كو هوون خوه‌ ب ڤا هه‌ردوكا بگرن، پاش من ڤه‌ هوون قه‌ت ل رێ وندا نابن.
ڤێ گووره‌كێ گه‌لو پشتی قورئانا پیرووز كو خه‌به‌ر دانا خودا یه‌ كیژان رێك ژ رێكا ئمام رووناهی تر و هدایه‌تكه‌ر تره؟ و ما قه‌ی ژ خوه‌ قورئانا خودێ خێنجی پێ به‌یانا جیگرێن ره‌سوولێ خودێ (ص) تێ ته‌فسیر و به‌یان كرن؟
3 – ئمام مه‌هدی (س) ئه‌و ئمامێ ساخ و حازره ‌و ده‌رحه‌ق وی حه‌زره‌تی د‌ا – نه‌خاصما ژ ناڤ سلسلا جه‌وان دا– هنه‌ك ‌پرسیار هه‌نه‌ و د‌ گه‌ل ڤێ چه‌ندێ كو ژ كه‌ڤندا جه‌واب ھاتیه‌ دایین، لێبه‌لێ دیسا ژی طاریتی یێن زه‌حفی دجی دا مانه‌ و جارنا ژی جه‌وابێن پێشدا نه‌موناسبێ موخاطه‌بێن ئیروو نه.
4 – ژ به‌ر موهمیا مه‌سه‌لا ئمامه‌تێ و نه‌خشێ ئه‌ساسی یێ وێ د ئاڤا كرنا فكری و عه‌مه‌لی یا شیعان د‌ا، ئله‌ھ دوژمن خه‌بتینه‌ كو ده‌رحه‌ق ئمام مه‌هدی د‌ا شوبهان باڤێژن مه‌یدانێ و باوه‌ردارێن ئه‌وی حه‌زره‌تێ بێخن ناڤ شك و دودلیێ را، پرسیار و شوبهێن وه‌ك: شوبهه‌ ئێخستنا د ئه‌صلێ ولاده‌تا وی دا، ئان نیشان دانا عه‌مرێ وی یێ درێژ ب ناڤێ تشته‌كه ‌مه‌حال و چێنه‌بێ و ئان غه‌یبه‌ت و خه‌ف بوونا ئه‌وی تشته‌ك نه‌مه‌نطقی ددن ناساندن و ب صه‌دان شوبهێن دیتر. جارنا ژی دووستێن نه‌زان و نه‌ئاگاھ ‌ژ مه‌عارف و زانینێن ئه‌هلێ به‌یتێ (س) هنه‌ك گووتنێن نه‌دورست و بێ ئه‌ساس ده‌رحه‌ق فه‌رهه‌نگا مه‌هده‌وی دا تاڤێژن مه‌ید‌انێ و هنه‌ك ژ رێ ده‌رانینه‌ و ده‌رتینن ژی؛ مه‌سه‌لێن وه‌ك ئاخفتنێن نه‌دورست و رێك نه‌كه‌تی د‌ گه‌ل روایه‌تان ده‌رحه‌ق ئنتظارا مه‌هدی (س) و هلپه‌رینا وی یا چه‌كدارانه‌ و ئمكانا دیتنا وی د ده‌ورانا غه‌یبه‌تێ (خه‌ف بوونێ) دا. ئه‌ڤا هه‌می یان كریه ‌لازمێ خوه‌ كو ب ئاوایه‌ك صه‌حیح و دورست ژ ڤێ به‌حسێ بێ خه‌به‌ردان.
ل سه‌ر ڤی ئه‌ساسی د ڤێ نڤیسووكێ د‌ا خه‌بات ھاتیه‌ كرن كو به‌حسا ژیانا نوورانی یا ئمام مه‌هدی (س) بێ كرن و د‌ گه‌ل وێ ژی جه‌وابا جه‌وانا ده‌رحه‌ق ئمام مه‌هدی و ئه‌وا ب ژیانا وی ڤه‌ گرێ دایی بێ دایین، ھه‌ر وھا ژ ئافه‌ت ناسی و خوه‌هری یا خوه‌هر فكران ژی بێ ئاخفتن. هێڤی ئه‌وه‌ كو ده‌رحه‌ق ناسیاری یا كویر د‌ گه‌ل ئاخرین حوججه‌تێ خودێ، حه‌زره‌تێ مه‌هدی (س) گاڤه‌ك ‌بێ ئاڤێتن.

نظرات

ارسال نظر

* فیلدهای ستاره دار حتما بایستی مقدار داشته باشند.