ئحتیاجی یا ب ئمام

ئحتیاجی یا ب ئمام

پشتی كو بیر و هزر ڤێ ده‌رحه‌قێ دا رووناهی بوون، د جی دا یه ‌ئه‌ڤ پرسیار بێ جه‌وا بدان كو د‌ گه‌ل هه‌بوونا قورئان و سوننه‌تا پێغه‌مبه‌ر (ص) ج ئحتیاج ب ئمام و ره‌هبه‌رێ دینی هه‌یه‌ –وه‌ك چه‌وا شیعه‌ باوه‌ر دكن - ؟
ژ بونا لازمیا هه‌بوونا ئمام ده‌لیلێن زه‌حفی هه‌نه، لێ ئه‌مێ تنێ ئشاره‌ بكین بال ده‌لیله‌ك ساده‌ و رحه‌تڤه: هه‌ما ئه‌و ده‌لیلا كو ئحتیاجی یا ب پێغه‌مبه‌ریێ نیشان ددێ ئه‌ڤێ ژی نیشان دد‌ێ كو خه‌لك موحتاجێ «ئمامن» ژی. چكو ژ ئالیه‌كی ڤه‌ ئسلام ئاخرین دین و پێغه‌مبه‌رێ ئسلامێ حه‌زره‌تێ موحه‌ممه‌د‌ (ص) ئاخرین پێغه‌مبه‌ره‌ ژ ئالیێ خودا ڤه، ڤێ گووره‌كێ گه‌ره‌كه‌ ئسلام جه‌وابده‌رێ هه‌می ئحتیاجی یێن به‌شه‌ر بێ حه‌تا رووژا قیامه‌تێ. ژ ئالیێ دیڤه ‌ژی قورئانا پیرووز ئه‌ساسێن گشتی یێن حوكمێن ئلاهی گووتنه‌ و به‌یانكرنا وێ و شیرووڤه‌ كرنا وێ هشتیه‌ ب هێڤی یا پێغه‌مبه‌ر ڤه (ص) .  لێبه‌لێ ئه‌شكه‌ره‌ یه‌ كو پێغه‌مبه‌ر (ص) د زه‌مانێ خوه ‌دا گووره‌كی ئحتیاجی یا زه‌مانێ خوه‌ ب ناڤێ رێبه‌رێ ئسلامێ ئه‌حكامێن ئلاهی به‌یان كریه ‌و ژ خه‌كێ را گووتیه‌ و لازمه‌ ژ وی را جیگرێن لایق هه‌بن كو وه‌ك وی ب ‌به‌حرا بێ بنی یا علمێ خودێ ڤه‌ گرێدایی بن، دا كو ئه‌وا پێغه‌مبه‌ر (ص) به‌یان كری ژ خه‌لكێ را بێژن و د هه‌ر زه‌مانی دا ئحتیاجی یێن كومه‌لا ئسلامی ژ حالێ راكن.
ھه‌ر وھا ئمام (س) نووبه‌دارێ میراسا د جی دا مایی یا پێغه‌مبه‌ران (ص) ھه‌ر وھا به‌یانكه‌ر و موفه‌سه‌رێن حه‌قیقی یێن قورئانا پیرووزن دا كو دینێ خودێ ژ ته‌حریف و گوهه‌رینێ بێ پارازتن و ئه‌ڤ سه‌ركه‌هنی یا زه‌لال حه‌تا رووژا قیامه‌تێ پاك و پاقژ بهێلێ.
خێنجی ڤێ ژی «ئمام» بناڤێ مرووڤێ كامل نمونه‌یه‌ك ته‌مامه ‌ژ هه‌می ئالی یێن ئنسانی ڤه‌ و به‌شه‌ر ئحتیاجی هه‌یه‌ ب نمونه‌یه‌ك وها را؛ كو پێ ده‌ست كه‌تن و رێ راست كرنا وی وه‌ك چه‌وا لایقێ كه‌مالا ئنسانی، بێ گه‌هاندن و ته‌ربیه ‌كرن و ل به‌ر تیرووژێن خودایی یێن ئه‌ڤی مرووڤێ خودایی ژ خوه‌هری و ژ داڤێن نه‌فسا سه‌ركێشێ و شه‌یطانان بێ پارازتن.
ژ ڤا گووتنا كفش بی كو ئحتیاجی یا مرووڤا ب ئمام ژ ئحتیاجی یێن موهم و گرینگه‌ د ژیانا وی دا و هنه‌ك ژ به‌رپرسیاری یێن ئمام ب ئاوایێن ژێری نه:
ره‌هبه‌ری و ئداره‌ كرنا كووم و جامعێ (چێكرنا حوكمه‌تێ).
پارازتنا دین و ئوولا پێغه‌مبه‌ر (ص) ژ خوه‌هریێ و ته‌فسیر و به‌یان كرنا قورئانێ.
ته‌زكیه ‌و ته‌میز كرنا نه‌فسێ و سه‌راست كرنا مه‌عنه‌وی یا خه‌لكێ.
متن

نظرات

ارسال نظر

* فیلدهای ستاره دار حتما بایستی مقدار داشته باشند.