ڤه‌شارتن و سررا وێ

ڤه‌شارتن و سررا وێ

مقالات مرتبط

ژ تایبه‌تیێن ئمامێ دازدێ كو د روایه‌تێن ئه‌ھلێ به‌تێ دا ژێ ھاتیه‌ خه‌به‌ردان غه‌یبه‌ت و ڤه‌شارتن و خه‌ف بوونا حه‌زره‌تێ مه‌ھدی یه‌.
ژ وان روایه‌تان یێك ژی ژ عه‌بدولعه‌زیمێ حه‌سه‌نی یه‌ كو ژ ئمام موحه‌ممه‌د ته‌قی (سه‌لامێن خود‌ێ ل سه‌ر بن) و ئه‌و ژ بابێ خوه‌ و ژ میرێ باوه‌رداران نه‌قل دكێ كو كه‌ره‌م كر: «قائمێ مه‌ ڤه‌شارتنه‌ك درێژ ژێره‌ ھه‌یه‌، حه‌چوه‌كو ئه‌ز دبینم د زه‌مانێ ڤه‌شارتی بوونا وی دا شیعه‌ وه‌ك حه‌یوانێ برسی كو ل په‌ی چێرینگه‌ھێ یه‌ لێ دگه‌رھێن لێ ئه‌وی په‌یدا ناكن. ھه‌یھێ! ھه‌ركه‌س ژ وان كو د دینێ خوه‌ دا جیگر بمینێ و ژ به‌ر ڤه‌شارتی بوونا درێژا ئمامێ خوه‌ دلره‌ق نه‌بێ د رووژا قیامه‌تێ دا وێ دگه‌ل من و د مه‌رته‌با من دا بێ. پاشێ كه‌ره‌م كر: ده‌ما قائمێ مه‌ رادبێ به‌یعه‌ت ژ كه‌سی ل سه‌ر وی نینه‌ (قه‌ت چ حاكمه‌كی ل سه‌ر وی ده‌ستھه‌لات نینه‌) و ژ به‌ر ڤێ یێكێ خه‌ف ژ دایكێ دبێ و ژ به‌ر چاڤێن خه‌لكێ تێ ڤه‌شارتن. (مونته‌خه‌بول ئه‌سه‌ر، ص 255).
ژ ئمامێ سه‌ججاد (سه‌لام ل سه‌ر بن) ژ بابێ وی، ژ میرێ باوه‌رداران روایه‌ت بوویه‌ كو: قائمێ مه‌ دو ڤه‌شارتن ژێره‌ ھه‌نه‌، یێك ژ یا دی درێژتره‌، و ته‌نێ ئه‌وێ یه‌قینا وان قه‌وی و ناسین و زانینا وان دورست ل سه‌ر ئمامه‌تا وی سابت دمینن (مونته‌خه‌بول ئه‌سه‌ر، ص 251). ژ بونا كفش بوونا سررا ڤه‌شارتی بوونێ لازمه‌ ئه‌م د سه‌ر بووریا ئمامان دا چاڤه‌كی بخشكینن:
چه‌وا كو ئه‌م زانن پشتی ره‌سوولێ خودێ (ص) پترێ خه‌لكێ دگه‌ل ئه‌بووبه‌كر و پاشێ عومه‌ر و پاشێ عوسمان به‌یعه‌ت كرن و د دووماھیكا خلافه‌تا وی دا ژ به‌ر ھنه‌ك سه‌راگرتنێن نه‌ د جی دا كو كرن صه‌حابه‌ د به‌رابه‌رێ وی دا رابوون و ئه‌و كوشتن دگه‌ل مێرێ باوه‌ردارا به‌یعه‌ت كرن.
ئه‌و حه‌زره‌ت ژ ئالیێ پێغه‌مبه‌ر ڤه‌ (ص) ژ خه‌لیفه‌تیێ را ھاتبوو دانین و د زه‌مانێ خلافه‌تا سێ خه‌لیفان دا ژ به‌ر مه‌صله‌حه‌تا كوومه‌لا نووگه‌ھشتی یا ئسلامێ خه‌به‌ر نه‌دا و بێ ده‌نگ بوو و خێنجی ژ ئتماما حوججه‌تێ را چ گووتن نه‌گووتن، لێ د وی حالی دا ژی حه‌چی كاری د فه‌یدا ئسلام و موسلمانا دا بوو خوه‌ ژێ نه‌دا پاش. و ده‌ورانا حوكمه‌تا وی كو ژ چه‌ند ساله‌كی پێڤه‌ نه‌بوو پێ شه‌رێ دگه‌ل ئه‌صحابێ جه‌مه‌ل و موعاویه‌ و خه‌وارجان خلاس كر و پاشی را ژی ب ده‌ستێ یێك ژ خه‌وارجان شه‌ھید بوو.
ئمام حه‌سه‌نێ موجته‌با ژی ب ده‌ستوورا موعاویه‌ ھات ژه‌حری دان، و پشتی مرنا موعاویه‌، كورێ وی یه‌زید كو ھای ژ زاھر و روومه‌تێ ئسلامێ ژی نه‌دما حوكمه‌ت و پادشاھیا ئه‌مه‌وی ب ده‌ست خوه‌ گرت، مه‌سه‌له‌ ب ڤی ئاوایی پێشدا چوو حه‌تا ئێدی ناڤ و نیشانه‌ك ژ ئسلامێ نه‌ما. ژ به‌ر ڤێ یێكێ مام حوسه‌ین (س) چاره‌یه‌ك ژ رابوونێ پێڤه‌ نه‌دیت و پێ شه‌ھاده‌تا خوه‌ قه‌ده‌ره‌كی ھشیاری ژ موسلمانا ره‌ چێكر و ئسلامه‌تی ژ ناڤچوونێ خلاس كر، لێ شه‌رط و مه‌رج ژ چێكرنا حوكمه‌تا ئسلامی را پێك نه‌ھاتن و ژ به‌ر ڤێ یێكێ ئمامێن دی ژ قه‌وی كرنا ئه‌ساسێن دین و باوه‌ریێ و بلاڤ كرنا زانینێن دینی و ئه‌خلاق را خه‌بتین و د حه‌دده‌كی دا ژی كو رێك ھه‌بوویا خه‌لك د ه‌رابه‌رێ زولم و زورگووییێ دا رادكران و ئه‌و ژ پێك ھاتنا حوكمه‌تا ئلاھی یا جھانی را ھێڤیدار دكران و وه‌لحاصل یێك په‌ی یێكی را ھاتن شه‌ھید كرن.
و ئمامێن پاك د مودده‌تێ دو صه‌د و پێنجی سالان كارێن پێ راگرتنا زه‌حمه‌تیان و موشكلاتێن ژ عه‌ده‌تێ ده‌ر حه‌قیقه‌تێن ئسلامێ ژ خه‌لكێ را بێژن چ ب شكلێ گشتی ژ خه‌لكێ را و چ ژی ب شكلێ تایبه‌ت و خاص ژ نێزیكێن خوه‌ را و ب ڤی ئاوایێ زانینێن دینی و شه‌ریعه‌تا موحه‌ممه‌دی (ص) ب شكلێن موخته‌لف د ناڤ كوومه‌لێ دا بلاڤ بوو. و ژ ئالیه‌كی ڤه‌ ژی د گووشه‌ و كنارێ مه‌مله‌كه‌تێ ئسلامی دا كووم و حه‌ره‌كه‌ت و بزاڤ رابوون و چێبوون و حه‌تا ب قه‌ده‌ره‌كی پێشی ل زولم و سته‌مكاران ھات گرتن.
لێ ھه‌ر ده‌م حاكمێن سه‌رسه‌ری ژ وه‌عدا رابوونا حه‌زره‌تێ مه‌ھدی دطرسھان و ژ وێ چه‌ندێ دبزدھان كو رابێ و حوكمه‌تا وان تێك بدێ، ژ به‌ر ڤێ یێكێ حاكمێن زه‌مانێ ئمام حه‌سه‌نێ عه‌سكه‌ری دا گه‌له‌ك دژوار چاڤدێری ل سه‌ر كرن كو ئه‌گه‌ر خودێ زاووكه‌كی بدیێ ئه‌وی بكوژن، لێ ئرادا خودا ل سه‌ر وێ سه‌كنی بوو كو حه‌زره‌تێ مه‌ھدی بێ دونیایێ و ژ كوومه‌لا به‌شه‌ری را بێ زه‌خیره‌ كرن. و ژ به‌ر ڤێ یێكێ بوو كو حه‌تا پێنج سالیێ ژی د زه‌مانێ ساخیا بابێ خوه‌ دا ژ مرووڤێن پر نێزیك و تایبه‌ت پێڤه‌ كه‌سی ئه‌و زیاره‌ت نه‌دكرا و پشتی وه‌فاتا بابێ وی په‌یوه‌ندا ئمام مه‌ھدی ب رێكا چاركه‌سا ڤه‌ (عوسمانێ كورێ سه‌عید، موحه‌ممه‌دێ كورێ عوسمان و كورێ سه‌عید، حوسه‌ینێ كورێ رووح و عه‌لیێ كورێ موحه‌ممه‌دێ سه‌موری) كو یێك پێ یێكی ره‌ وه‌كیلێ وی یێ تایبه‌ت بوون دگه‌ل خه‌لكێ ده‌وام كر. و ژ وێ پێڤه‌ ژ زه‌مانه‌ك نه‌مه‌علووم را «ڤه‌شاریا مه‌زن» ده‌سپێ كر و وێ ده‌وام بكێ حه‌تا رووژا كو جامعا به‌شه‌ری حازر ببێ ژ حوكمه‌تا ئلاھی یا جھانی را و ھنگێ وێ ب ئه‌مر و فه‌رمانا خودا ده‌ركه‌ڤێ.
نخوه‌ سررا ئه‌صلی یا ڤه‌شاریا وی حه‌زره‌تی ئه‌ڤه‌ كو ژ زه‌ره‌ر گھاندنا زالم و سته‌مكاران بێ پارازتن و د ھنه‌ك روایه‌تان دا ئشاره‌ ھاتی كرن بال ھنه‌ك حكمه‌تێن دی ڤه‌ ژی كو یێك ژ وان ئمتحان و جه‌رباندنا مرووڤا یه‌، كانێ پشتی ته‌مام بوونا ده‌لیلێ وێ چقاس خوه‌ راگرن و بمینن.
ئه‌لبه‌ت د زه‌مانێ ڤه‌شاریێ دا ژ خه‌لك ب ته‌مامی ژ وی بێ به‌ھر نینن و گووره‌كی د حه‌دیسان دا ھاتی وه‌ك رووژا ل پش عه‌وران دا یه‌ (بحار، ج 52، ص 92) و خه‌لك ژ رووناھیا وی به‌ھره‌مه‌ندن، چه‌وا كو گه‌له‌ك مرووڤ ھه‌رچه‌ند ب ئاوایێ نه‌ناس ئه‌وی زیاره‌ت دكن و ژار كرنا نه‌خوه‌شیێن خوه‌ یێن ماددی و مه‌عنه‌وی را فه‌یدێ ژێ دبینن و ھه‌ما ساخ بوونا وی حه‌زره‌تی سه‌به‌به‌ك گرینگ و موھممه‌ ژ دلگه‌رمی و ھێڤیداریا خه‌لكی را كو خوه‌ دورست بكن و ھێشیا ھاتنا وی بن.

نظرات

ارسال نظر

* فیلدهای ستاره دار حتما بایستی مقدار داشته باشند.