عصمه‌تا ئمام

عصمه‌تا ئمام

مقالات مرتبط

پشتی سابت كرنا ڤێ یێكێ كو ئمامه‌ت مه‌قامه‌كه‌ كو ژ ئالیێ خود‌ا ڤه‌ تێ د‌ایین و ب رێكا وی ڤ گھایه‌ عه‌لی یێ كورێ ئه‌بوو طالب و زارووكێن وی سه‌لامێن خود‌ا لسه‌ر وان بن، مرووڤ د‌كارێ عصمه‌تا وان ژ ڤێ ئایه‌تا شه‌ریفه‌ د‌ه‌رێنێ كو كه‌ره‌م د‌كێ: « لا ینال عھد‌ی الظالمین – به‌قه‌ره‌ / 124» چكو ئایه‌ت د‌انا مه‌قامێ خود‌ایی نه‌فی د‌كێ ژ وا كه‌سێن گونه‌ھ كرین.

ھه‌ر وھا ئایه‌تا « اولو الأمر» نساء / 59 كو گوھد‌انا ته‌مام یا وان لازم زانیه‌ و د‌انیه‌ د‌ كێله‌كا گوھد‌انا ره‌سوولێ خود‌ا د‌ه‌ (ص)، تێ فێھمێ كو قه‌ت چ جاران گوھد‌انا وان مونافات و د‌ژاتی د‌گه‌ل گوھد‌انا خود‌ایێ ته‌عالا نینن. نخوه‌ ئه‌مرێ موطله‌ق ب گوھد‌انا وان ب مه‌عنا وی قاسی یه‌ كو ئه‌و پارازتی و مه‌عصوومن.

ھه‌ر وھا عصمه‌تا ئه‌ھلێ به‌یتێ پێ ئایه‌تا ته‌طھیرێ (ئه‌حزاب / 33) ژی تێ سابت كرن: « إِنَّمَا يُرِيدُ اللَّهُ لِيُذْهِبَ عَنكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا » ب ڤی ئاوایی كو: ئراد‌ا ته‌شریعی یا ئلاھی د‌ه‌رحه‌ق پاك بوونا به‌ند‌ان د‌ه‌ نه‌ تایبه‌ت و مه‌خصووصێ كه‌سی یه‌، نخوه‌ ئه‌ڤ ئراد‌ه‌ كو ژ ئه‌ھلێ به‌یتێ ره‌ (س) خاص و تایبه‌ت بوویه‌ ئراد‌ا ته‌كوینی یا ئلاھی یه‌ و خولف و خلاف ژی تێد‌ا نینه‌، چكو ئایه‌ت كه‌ره‌م د‌كێ: « إِنَّمَا أَمْرُهُ إِذَا أَرَادَ شَيْئًا أَنْ يَقُولَ لَهُ كُنْ فَيَكُونُ – یاسین / 82» و ته‌طھیر و پاكیا موطله‌ق و بێ قه‌ید‌ و نه‌فیا ھه‌می ئاوایێن پیساتیێ ھه‌ما عصمه‌ت بخوه‌ یه‌. و ئه‌م زانین چ بره‌كی ژ موسلمانا د‌ه‌عوا مه‌عصووم بوونا چ یێك ژ نێزیكێن پێغه‌مبه‌ر (ص) و مه‌نسووبێن وی نه‌كرنه‌، خێنجی ژ شیعان كو گووتنه‌ حه‌زره‌تێ فاطما زه‌ھرا كه‌چا پێغه‌مبه‌ر (ص) و د‌ازد‌ه‌ھ ئمامێن ئه‌ھلێ به‌یتێ سه‌لامێن خود‌ێ ل وان بن مه‌عصوومن. (ژ زانینا پتر ره‌ بنێرن: ئه‌لمیزانێ و كتێبا: الإمامة و الولایة فی القرآن).

لازمێ گووتنێ یه‌ كو زێد‌ه‌ترێ ژ 70 روایه‌تان كو زێد‌ه‌ترێ وان ژی زانایێن ئه‌ھلێ سوننه‌ت گێرانه‌ د‌ه‌لاله‌ت د‌كن كو ئه‌ڤ ئایه‌ت د‌ه‌رحه‌ق «پێنج كه‌سێن پاك» د‌ا ھاتیه‌ خارێ (بنێرن: غایه‌تول مه‌رام، ص 287 – 293) و شێخێ صه‌د‌ووق ژ مێرێ باوه‌رد‌اران (س) گێرایه‌ كو ره‌سوولێ خود‌ێ كه‌ره‌م كریه‌: ئه‌ی عه‌لی، ئه‌ڤ ئایه‌ت د‌ه‌رحه‌ق ته،‌ حه‌سه‌ن و حوسه‌ین و ئمامێن ژ نه‌سلا ته‌ د‌ا ھاتیه‌:

من پرسی: ئمامێن پشتی ته‌ چه‌ند‌ كه‌سن؟ كه‌ره‌م كر: تو، ئه‌ی عه‌لی، پاشێ حه‌سه‌ن، پاشێ حوسه‌ین و پشتی وی كورێ وی عه‌لی و پشتی وی كورێ وی موحه‌ممه‌د‌ و پشتی وی كورێ وی جه‌عفه‌ر، و پشتی وی كورێ وی مووسا و پشتی وی كورێ وی موحه‌ممه‌د‌ و پشتی وی كورێ وی عه‌لی و پشتی وی كورێ وی حه‌سه‌ن و پشتی ھنگێ كورێ وی حوججه‌تێ خود‌ا. ڤێجا وھا لێ زێد‌ه‌ كر: ناڤێ وان ل سه‌ر خارێ یا عه‌رشێ خود‌ێ ھاتیه‌ نڤیسین. و من ژ خود‌ێ پرسی ئه‌ڤ ناڤێن كی نه‌؟ كه‌ره‌م كر: ئه‌ی موحه‌ممه‌د‌ ئه‌و ئمامێن پشتی ته‌ نه‌. پاك و پارازتی نه‌ و له‌عنه‌تا من ل سه‌ر د‌وژمنێ وا یه‌ (غایه‌تول مه‌رام (چاپا كه‌ڤن)، ج 6، ص 293).

ھه‌ر وھا حه‌د‌یسا سه‌قه‌له‌ین كو پێغه‌مبه‌ر (ص) ئه‌ھلێ به‌یتا خوه‌ ره‌خ قورئانێ د‌انیه‌ و گووتیه‌ ژ ھه‌ڤ ناقه‌تن د‌ه‌لیله‌ك رووناھی یه‌ ل سه‌ر پارازتی بوون و عصمه‌تا وان، چكو كرنا بچووكترین گونه‌ھ حه‌تا ئه‌گه‌ر ب سه‌ھو و نه‌زانین بێ ژی موفارقه‌ت و جراھیا ژ قورئانێ یه‌.

نظرات

ارسال نظر

* فیلدهای ستاره دار حتما بایستی مقدار داشته باشند.