بیر و هزرێن خه‌له‌ت

بیر و هزرێن خه‌له‌ت

ژ ئافه‌تێن موهم د فه‌رهه‌نگا مه‌هده‌ویه‌تێ دا ته‌فسیر و بیر و هزرێن نه‌دورستن ده‌رحه‌ق به‌حسێن ڤێ فه‌رهه‌نگا ئسلامی دا. نێرینێن. نه ‌دورست و ناقص ژ روایه‌تان دبێ سه‌به‌بێ بیر و هزرێن نه ‌دورست. ئه‌مێ به‌حسا چه‌ند نموونا بكین:
1 – فێهما خه‌له‌ت ژ مه‌فهوومێ «ئنتظارێ» بویه ‌سه‌به‌ب كو هنه‌ك گومان بكن چكو دورست كرن و لا د‌انا جهانێ ژ فه‌سادێ پێ ده‌ستێ ئمام زه‌مان (س) چێدبێ، نخوه‌ ئێدی ئه‌م ل به‌رابه‌رێ خرابی و نه‌رێكوپێكی یا دا نه‌ مه‌سئول و به‌رپرسیارن، به‌لكی ئه‌ڤ ژی بێ گووتن كو ژ بونا نێزیك بوونا زوهوورا ئمام مه‌هدی را (س) لازمه ‌ئه‌م ژ ته‌رویجا خرابی و پیساتی یارا كار بكین!! ئه‌ڤ فكرا نه‌دورست تام ل به‌رابه‌رێ فكرا قورئانێ و ئه‌هلێ به‌یتێ د‌ا یه‌ (س) چكو ئه‌و هه‌ردو ژی ئه‌مرێ ب مه‌عرووف و نه‌هیا ژ مونكه‌ر وه‌زیفه ‌و به‌رپرسیاری یا حه‌تمی یا هه‌می موسلمانا دزانن.
دانه‌رێ جومهوری یا ئسلامی، حه‌زره‌تێ ئمام خومه‌ینی (ره) ده‌رحه‌ق ره‌د كرنا ڤێ نێرینێ دا كه‌ره‌م كریه: ئه‌گه‌ر ژ مه ‌هات و مه‌كاری گه‌ره‌كه ‌ئه‌م بچین و هه‌می زولم و سته‌ما ژ ناڤ عاله‌مێ راكین، ئه‌ڤاهه ‌‌ته‌كلیفا مه ‌‌یا شه‌رعی یه. لێبه‌لێ ئه‌م نكارین. ئه‌وا هه‌یی ئه‌ڤه ‌كو ئه‌و حه‌زره‌ت [ئمام مه‌هدی (س)] عاله‌مێ ژ عه‌داله‌تێ ته‌ژی دكێ، نه‌ كو هوون ده‌ستێ خوه ‌‌ژ ڤێ ته‌كلیفێ بشوون؛ نه‌ كو ئێدی هه‌وه ‌ته‌كلیف تنه‌هن.   د ده‌واما گووتنێن خوه‌دا وها دبێژێ: ما گه‌لو ئه‌م به‌رڤاژیێ ئایه‌تێن شه‌ریفێن قورئانێ، ده‌ستا ژ نه‌هیا مونكه‌ر بكێشین؟ ده‌ستا ژ ئه‌مرێ ب مه‌عرووف بكێشین؟ و ئه‌م گونه‌ها به‌رفره‌ھ ‌بكین حه‌تا ئه‌و حه‌زره‌ت بێ؟!
لازمه‌‌ بێ گووتن كو مه ‌د ئه‌ولێ به‌حسا «ئنتظار» ێ دا ده‌رحه‌ق مه‌عنا وێ یا دورست ئاخفت.
2 – ژ زاهرێ هنه‌ك روایه‌تان هنه‌ك وه‌ره‌نگ تێ گه‌هشتنه ‌كو هه‌می رابین و قیامێن پێشیا رابینا ئمام مه‌هدی (س) دا چێدبن نه‌ مه‌قبولن و به‌لكی مه‌ردوودن. ژ به‌ر ڤێ یێكێ ب شكله‌ك نه ‌دورست ل به‌رابه‌رێ شوورشا ئسلامی یا ئیرانێ كو ل به‌رابه‌رێ طاغووت و ئستكبارێ دا ژ بونا دانینا حوكمێن ئلاهی پێك هاتیه ‌راوه‌ستانه.
د جه‌وابێ دا گه‌ره‌كه ‌بێ گووتن كو پێك ئانینا گه‌له‌ك ژ حوكمێن ئلاهی وه‌ك ئجرا كرنا حه‌ددان و قصاصێ و هه‌ر وها جهاد‌ا د به‌رابه‌رێ دوژمنان و به‌رابه‌ری كر‌نا به‌رفره‌ھ‌ د‌ گه‌ل خرابی و فه‌سادێ خێنجی پێ ته‌شكیلا حوكمه‌تا ئسلامی مومكن نابێ. ڤێ گووره‌كی خه‌باتا ژ بونا چێكرنا ره‌ژیما ئسلامی كاره‌ك مه‌قبوول و باشه. نه‌هی كرنا ژ رابوون و قیامێ ژی كو د هنه‌ك روایه‌تا د‌ا هاتیه ‌ب مه‌عنا شریكاتی یا د قیامێن باطل دا یه ‌كو ب هه‌ده‌فا نه‌ ئلاهی پێك تێن و ئان رابینێن وه‌ره‌نگن كو شه‌رط و مه‌رجێن لازم نابینن و ئان ژی ئه‌و بزاڤ و رابینن كو بناڤێ ئمام مه‌هدی (س) تێن كرن. نه‌ كو هه‌می بزاڤ و حه‌ره‌كه‌ت و رابینێن كو ژ بونا ئصلاح و دورست كر‌نا كومه‌لێ پێك تێن مه‌ردوود و نه‌دورست بن.
3 – نیشان دانا رویمه‌تێ هشك و دژوار ژ ئمام مه‌هدی (س) یێكه ‌دیتر ژ فكرێن خه‌له‌ته ‌د فه‌رهه‌نگا مه‌هده‌ویه‌تێ دا.
به‌رڤاژیێ بیر و هزرا هنه‌كا كو فكر دكن ئمام مه‌هدی (س) وێ پێ شویرێ عه‌داله‌تێ گوولا ژ خونێ ته‌ژی بكێ و وێ سه‌رێ گه‌له‌كا بدێ به‌ر ‌شویرا: ئمام زه‌مان (س) مه‌زهه‌رێ ره‌ئفه‌ت و نه‌رمی و دلووڤانی یا خودایی یه ‌و وێ وه‌ك ره‌سوولێ خودێ (ص) ئه‌ول پێ به‌یانه‌ك رووناهی و ده‌لیلێن ئه‌شكه‌ره ‌ژ قورئان و ئسلامێ را گازی بكێ و زێده‌ترێ خه‌لكێ وێ گازی و ده‌عوه‌تا وی قه‌بوول بكن و خوه ‌بدن گه‌ل وی. ڤێ گووره‌كێ ئمام مه‌هدی (س) تنێ وێ د‌ گه‌ل وا موخالفێن خوه یێن مه‌ژی هشك كو ب زانین و ئاگاهانه ‌خوه ‌ژ قه‌بوول كر‌نا حه‌قی یێ پاشدا ددن و خینجێ زمانێ شویر فێهم ناكن ب چه‌ك و سلاح ل به‌رابه‌رێ وا د‌ا دسه‌كنێ.

نظرات

ارسال نظر

* فیلدهای ستاره دار حتما بایستی مقدار داشته باشند.