جهان ل به‌راهیكا زاهر بوونێ دا

جهان ل به‌راهیكا زاهر بوونێ دا

د پشكێن بووریی دا, مه ده‌رحه‌ق غه‌یبه‌ت و خه‌ف بوونا ئمامێ دازدێ و فه‌لسه‌فا وێ دا خه‌به‌ر دا؛ ئه‌و ئاخرین حوججه‌تێ خودا خه‌ف بو د‌ا كو پشتی به‌رهه ڤبوونا زه‌مینا ئه‌شكه‌ره‌ ببێ و جهانێ ژ تیرووژێن هدایه‌تا خوه ‌یا موسته‌قیم به‌هره‌مه‌ند بكێ, به‌شه‌ریه‌تێ دكاریا د ده‌ورانا غه‌یبه‌تێ دا ب ئاوایه‌كی وه‌ره‌نگ عه‌مه‌ل بكێ كو د زووترین ده‌ما دا شه‌رط و مهرجێن حازر بوونا ئمام جی بجی بكێ لێبه‌لێ ژ به‌ر په‌یره‌وی یا ژ شه‌یطان و هه‌وایێ نه‌فسێ و دوور مایینا ژ ته‌ربیه‌تا دورستا قورئانی و قه‌بوول نه‌كرنا وه‌لایه‌ت و رێنمونی یا پاكا (س) ژ رێ ده‌ركه‌ت و ھه‌ر روژ ئاڤاهی یێ سته‌مه‌كی د عه‌ردێ دا ده‌ینا و زولم و خرابی به‌رفره‌هـ كر, پێ بژارتنا ئه‌ڤێ رێكێ گه‌هشت ده‌ستھاته‌ك خراب، جهانه‌ك ته‌ژی زولم و نه‌حه‌قی و خرابی و فه‌ساد؛ رووژێن ڤاله‌یێ ژ ئه‌منیه‌تا ئه‌خلاقی و ره‌وانی، ژیانه‌ك دوورێ ژ مه‌عنه‌ویه‌ت و پاكی یێ و كوومه‌ك ته‌ژی ژ زێده‌ گاڤی یا و نه‌دیتی گر‌تن و بن پی كر‌نا حه‌قێ ژار و به‌له‌نگازان بی حاصلێ كریارێن مرووڤێن ده‌ورانا غه‌یبه‌تێ, ئه‌ڤ حه‌قیقه‌تا كو د كه‌لامێ مه‌عصووم دا ل صه‌دا سالێن پێشیێ دا ژێ هاتبی ئاخفتن و ته‌صویرێ وێ یێ ره‌ش هاتبی كشاندن:
ده‌ما تو ببینی زولم و سته‌م به‌رفره‌هـ بوویه ‌و قورئان هاتیه ‌ژ بیر كرن و ب هه‌وایێ نه‌فسێ تێ ته‌فسیر كرن و ئه‌هلێ باطل پێشی ژ ئه‌هلێ حه‌قی یێ سطاندی نه, مرووڤێن خوه‌ی ئیمان بێ ده‌نگ بوونه ‌و گرێدانا مرووڤانی یێ هاتیه ‌برین, زمان هلویتی پر بوویه ‌و رێكێن قه‌نجی یێ بێ رێونگی و رێكێن خرابی یێ بوونه ‌جهێ ته‌وه‌ججوهێ و حه‌لال هاتیه ‌حه‌رام كرن و حه‌رام هاتیه‌ جائز كرن و سه‌رمایێن مه‌زن د رێكا غه‌زه‌با خودا دا هاتنه ‌مه‌صرهف كرن خارنا رشوه‌تێ د ناڤ ده‌ستبكارێن ده‌وله‌تێ دا به‌رفره‌هـ بوویه ‌و سه‌رگه‌رمی و مژوولاهی یێن نه ‌سالم وه‌ره‌نگ به‌رفره‌هـ بوونه‌ كو كه‌س نه‌وێرێ پێشیا وێ بگرێ, و گوھلێبوونا حه‌قیقه‌تێن قورئانێ ل سه‌ر خه‌لكێ گران بێن لێ سه‌ح كر‌نا باطلی سه‌هل و رحه‌ت بێ, ژ بونا غه‌یری خودێ بچی زیاره‌تا مالا خودێ, خه‌لك دل ره‌ق ببێ (ده‌ما ته ‌دیت كو ئه‌ڤ وه‌زع و حالی، خه‌لكێ یه) های ژ خوه ‌هه‌به ‌و خلاسی یا ژ ڤی و ه‌زعی ژ خودا بخازه ‌(هنگێ فه‌ره‌ج, نێزیكه).
ئه‌لبه‌ت ئه‌ڤ ته‌صویرا ره‌ش ژ ده‌ورانا پێش زوهوورێ, روومه‌تێ غالبێ وێ ده‌ورانێ یه, چكو د وی زه‌مانی دا ژی ئه‌و دین باوه‌رێن حه‌قیقی هه‌نه‌ كو ل سه‌ر سووزا خوه ‌د‌ گه‌ل خودا قاییم مانه ‌و های ژ سینورێن خوه ‌یێن باوه‌ریێ مانه ‌و ئه‌وا دپارێزن و د فه‌سا د‌ا دوور و به‌را د‌ا ناحه‌لن و سه‌ر نڤیسا خوه ‌ب عاقبه‌تا خه‌رابا یێن دیڤه ‌گرێ نادن, ئه‌ڤێنهه ‌ژ باشترین به‌نده‌یێن خودا و په‌یره‌وێن ئمامێن نوورێ نه, كو د روایه‌تێن زه‌حفی دا به‌حسا باشی یا وان هاتیه ‌كرن و په‌صنێ وان هاتیه ‌دایین. ئه‌ڤێنهه هه‌م ئه‌و بخوه ‌پاك ژیانه ‌و دژین و هه‌م یێن دی ژ پاكی یێ را گازی دكن, چكو بباشی زانن كو ب رێكا به‌رفره‌هـ كرنا قه‌نجییان و ئاڤا كر‌نا دوور و به‌ره‌ك بێهن خوه‌ش ژ بێهنا گولاڤا ئیمانێ مرووڤ دكارێ ئه‌شكه‌ره ‌بوونا ئمامێ باشیان پێش بێخێ و پێشه‌كی یێن قیاما حوكمه‌تا وی حازر بكێ, چكو زه‌مانه‌كی قیاما د به‌رابه‌رێ خرابییان دا مومكنه ‌كو موصلحێ مه‌وعوود هنه‌ك ئاریكار هه‌بن ئه‌ڤ بیرو هزر نوقتا موقابلا ئه‌وێ هزرا باطلا نه‌قه‌بووله ‌كو بلاڤ كرنا فه‌سادێ ژ بونا زوو كه‌تنا زوهوورێ لازم زانن. راستی ما گه‌لو لایقه ئه‌هلێ ئیمانێ ل به‌را به‌رێ كرێتی و خرابی یا دا بێ ده‌نگ ببن حه‌تا كو فه‌ساد به‌رفره‌هـ ببێ و زه‌مینا زاهر بوونێ ب ڤێ رێكێڤه ‌پێك بێ؟ گه‌لو پێش ئێخستنا باشی و سه‌راتییان نكارێ زاهربوونا ئمامێ قه‌نجان نێزیك بكێ؟
فه‌ریزا ئه‌مرێ ب مه‌عرووف و نه‌هیا ژ مونكه‌ر ژ ته‌كلیفا قه‌طعی یا هه‌ر موسلمانه‌كی‌یه ‌كو د چ زه‌مان و جها دا چاڤ ژێ نایێ گر‌تن ، ڤێجا نخوه ‌چه‌وا چێدبێ كو ژ بونا پێش كه‌تنا زاهربوونێ مرووڤ بكار بێ زولم و فه‌سادێ به‌رفره‌هـ بكێ و پێش بێخێ.
وه‌ك ‌چه‌وا كو پێغه‌مبه‌ررێ گرانقه‌در (ص) كه‌ره‌م كری:
د خلاسه‌كا ڤێ ئوممهتێ دا وێ قه‌ومه‌ك هه‌بێ كو وێ وه‌ك موسلمانێن ئه‌ولێ ئسلامێ خێردار بن, ئه‌و ئه‌مرێ ب مهعرووف و نه‌هیا ژ مونكه‌ر د كن و د‌ گه‌ل ئه‌هلێ فتنی (فه‌سادێ) دكه‌ڤن شه‌ر.
خێنجی ژ ڤێ ژی, ئه‌وا روایه‌تێن زه‌حفی دبێژن, ته‌ژی بوونا جهانێیه ‌ژ زولم و سته‌مێ و ئه‌ڤاهه‌ نه ‌ب مه‌عنا زالم بوونا هه‌می مرووڤایه, به‌لكی هه‌ما وه‌ك پێشدا رێكا خودێ وێ په‌یره‌وێن خوه ‌هه‌بن و بێهنا خوه‌شا قه‌نجی و باشییان وێ د جیێن جوور بجوور دا ل به‌ر مه‌شامێ بكه‌ڤن.
ڤێ گووره‌كێ, جهانا پێشیا زوهوورێ دا ئه‌گه‌ر چ ده‌ورانه‌ك ته‌حله, لێبه‌لێ وێ پێ ده‌ورانا شیرینا زاهر بوونێ خلاس ببێ, هه‌رچه‌ند كو زه‌مانێ فه‌ساد و زولمێ یه ‌لێبه‌لێ پاك بوون و گازی كرنا یێن دی ژ پاكی یێ را ژ وه‌زیفه ‌و به‌رپرسیاری یێن حه‌تمی یێن مونته‌زرا نه، و د زو كه‌تنا فه‌ره‌جا ئالێ موحه‌ممه‌د (ص) دا ته‌ئسیره‌ك ‌موسته‌قیم ههیه.
ئه‌مێ ڤێ پشكێ پی ئاخفتنه‌كی ژئمام مه‌هدی (س) خلاس بكین:
مه ‌ژ په‌یره‌وێن مه ‌دوور ناكێ خێنجی ژ وا كر‌یارێن وان كو دگهێن مه ‌و لمه ‌نه‌خوه‌ش تێ و ئه‌م لایقێ وان نزانین.

نظرات

ارسال نظر

* فیلدهای ستاره دار حتما بایستی مقدار داشته باشند.