غه‌یبه‌تا درێژ (كوبرا)

غه‌یبه‌تا درێژ (كوبرا)

مقالات مرتبط

د ئاخرین رووژێن ژیانا نائبێ چارێ دا نامه‌یه‌ك ژ ئمام مه‌هدی (س) گهایێ كو وها نڤیسی بی: بسم الله‌ الرحمن الرحیم، ئه‌ی عه‌لی یێ كورێ موحه‌مه‌دێ سه‌موری، خودێ د موصیبه‌تا وه‌فاتا ته‌ دا كه‌رامه‌ته‌ك مه‌زن بدێ براده‌رێن ته‌یێن دینی؛ چكو تو دێ حه‌تا شه‌ش رووژ دی بئالیێ ئاخره‌تێ ڤه‌ بچی. ژ به‌ر ڤێ یێكێ كار و بارێ خوه‌ سه‌ر هه‌ڤدا بینه ‌و ده‌رحه‌ق جیگرێ پشتی خوه‌ وه‌صیه‌تا كه‌سكی نه‌كه، چكو وه‌ختێ ده‌ورانا خه‌فیا كامل گهایه، ژ نها پێڤه ‌ئێدی ئه‌شكه‌ره‌ بوون تنه‌ حه‌تا كو فه‌رمانا ئلاهی بێ، ئه‌و ژی پشتی زه‌مانه‌ك درێژه، هنگێ كو دل ره‌ق و هشك ببن و عه‌رد ‌ته‌ژی زولم و سته‌م ببێ.
ڤێ گووره‌كێ پشتی وه‌فاتا ئاخرین نائبێ تایبه‌تێ ئمامێ دازدێ د سال 329 ھ. هه‌یڤی دا ده‌ورانا غه‌یبه‌تا درێژ كو ب «غه‌یبه‌تا كوبرا» مه‌شهووره‌ ده‌سپێ كر و حه‌تا نها ژی ده‌وام دكێ حه‌تا رووژه‌كی كو ب خوه‌ستا خودایێ ته‌عالا عه‌ورێ غه‌یبێ بچێ پاش و جهان ژ رووناهی و شه‌وقا بێ په‌رده‌یا وێ رووژێ (رووژا ولایه‌تێ) به‌هره‌مه‌ند ببێ.
چه‌وا مه‌ گووتی د ده‌ورانا غه‌یبه‌تا صوغرا دا (خه‌فیا كورت) په‌یره‌وێن ئه‌هلێ به‌یتێ ب رێكا نائبێن خاص ڤه‌ په‌یوه‌ند و گرێدان د‌ گه‌ل ئمام هه‌بین و د‌ گه‌ل ته‌كلیفا خوه‌ یا ئلاهی ناس دبینا، لێبه‌لێ د ده‌ورانا غه‌یبه‌تا كوبرا دا (خه‌فیا درێژ) ئه‌ڤ ئاوایێ په‌یوه‌ند و گرێدانێ ھاتیه‌ بڕین و باوه‌ردار ژ بونا زانینا به‌رپرسیاری یێن خوه‌ یێن دینی ئه‌ڤ رێك تنێ هه‌نه‌ كو بچن بال نائبێن وی یێن گشتی –كو عالمێن دینی و مه‌رجه‌عێن مه‌زنێن ته‌قلیدێ نه‌– و به‌رێ خوه‌ بدن وان. ئه‌ڤاهه ‌ئه‌و رێكا رووناهی یه‌ كو ئمام مه‌هدی بخوه‌ (س) د نامه‌یه‌كی دا كو ژ بونا یێك ژ مرووڤێن جهێ باوه‌ریێ شاندیه ‌ئه‌ڤ رێك دایه‌ به‌ر وان. د قسمه‌ك یێ ڤێ نامێ دا –كو ب رێكا نائبێ دووێ یێ خاص ڤه‌ ھاتیه‌ راگه‌هاندن– وها هاتیه:
و اما الحوادث الواقعه‌ فارجعوا فیها الی روات حدیثنا فانهم حجتی علیكم و أنا حجةالله ‌علیهم... و ده‌رحه‌ق وا قه‌ومینێن كو دقه‌ومن دا، به‌رێ خوه‌ بدن وایێن حه‌دیسا مه‌ نه‌قل دكن. چكو براستی ئه‌و ده‌لیلا منن ل سه‌ر هه‌وه ‌و ئه‌ز ژی ده‌لیلا خودامه ‌ل سه‌ر وان.
ئه‌ڤ رێكا تازه ‌و نوو ژ بونا جه‌وابدانا پرسیارێن دینی و ژ وێ موهمتر ژی ناسینا وه‌زیفه ‌و به‌رپرسیارێن فه‌ردی و كومی یێن په‌یره‌وێن ئه‌هلێ به‌یتێ د ده‌ورانا خه‌فیا كاملا ئمام زه‌مان (س) دا ئه‌ڤێ حه‌قیقه‌تێ نیشان ددێ كو سیستما پێشكه‌تی یا ئمامه‌تێ و ره‌هبه‌ری یێ د فه‌رهه‌نكا شیعه‌تیێ دا سیستمه‌ك پێشكه‌تی و ساخه‌ كو د هه‌می شه‌رط و مه‌رجا دا مه‌سه‌لا رێ راست كر‌نا خه‌لكێ و رێنموونی كرنا وان ب باشترین و قه‌وی ترین شكل پێك ئانیه ‌و د چ ده‌ورا دا په‌یره‌وێن مه‌كته‌بێ ژ سه‌ركانی یا هدایه‌تێ نه‌هشتنه، به‌لكی سه‌رێ به‌نكێ كار و بارێ وان د شكلێن موخته‌لفێن ژیانا فه‌ردی و كوومی دا دایه ‌ده‌ستێ عالم و زانایێن دین ناس و هێژایی و خودان ته‌قوا و ئه‌مانه‌تد‌ارێ دین و دنیا خه‌لكێ، دا كو ئه‌ڤێ گه‌میا كوومه‌لا ئسلامی د ڤێ به‌حرا پر پێلا جهانێ دا و سیاسه‌تێن حیله‌كه‌ران دا ژ نووقی بوونێ بپارێزن و سینوورێن باوه‌ری یێن په‌یره‌وێن ئه‌هلێ به‌یتێ خوه‌ی كن.
ئمام هادی (س) ده‌رحه‌ق به‌رپرسیاری یا عالمێن دینی دا د زه‌مانێ غه‌یبه‌تێ دا وها كه‌ره‌م كریه: ئه‌گه‌ر نه،‌ ئه‌و عالم بوونا كو د زه‌مانێ غه‌یبه‌تێ دا خه‌لكێ ب ئالیێ ئمام مه‌هدی ڤه‌ (س) گازی دكن و ئه‌وا ب ئالیێ ئمامێ وا ڤه ‌رێدكن و پێ حوججه‌ت و ده‌لیلێن قه‌وی یێن ئلاهی به‌ره‌ڤانیێ ژ دینێ وی دكن، ئه‌گه‌ر نه، ‌بوونا ئه‌و عالمێن هشیار كو عه‌ڤدێن خودێ ژ داڤێن شه‌یطان و شه‌یطان صفه‌تان و [دوژمنی یا] دوژمنێن ئه‌هلێ به‌یتێ خلاس دكن، كه‌س نه‌دما كو ژ دینێ خودێ ده‌رنه‌كه‌ڤێ. لێبه‌لێ، ئه‌ون كو دلێ شیعان ب هێز بده‌س خوه‌ گرتنه‌ وه‌ك چه‌وا گه‌میڤان سوككانا گه‌میێ بده‌س خوه‌ بگرێ. ئه‌و عالم ل بال خودایێ موته‌عال هێژایی ترینه‌.
نوكتا ل سه‌ر فكرینێ ئه‌و شه‌رط و تایبه‌تی نه‌ كو گه‌ره‌كه ‌د ره‌هبه‌رێ كوومه‌لێ دا هه‌بن، چكو سپارتنا كار و بارێ خه‌لكێ د دین و دنیا وا د‌ا بو ده‌ستێ كه‌سه‌كی كو ئه‌ڤێ به‌رپرسیاری یا گرنگ لخوه‌ دگرێ لازمه ‌ب هویر بینی و ته‌شخیصا دورست بێ. ژ به‌ر ڤێ یێكێ یه‌ كو ئمامێن پاك (س) تایبه‌تی یێن گرنگ و پر بلند ژ بونا مه‌رجه‌عێ دینی و مه‌قامێ وه‌لایه‌تا ئه‌مرێ موسلمانا كو بناڤێ «وه‌لی یێ فه‌قیه» تێ ناس كرن دانینه ‌و گووتنه ئمام صاد‌ق (س) كه‌ره‌م كریه: ژ ناڤ فه‌قیھ و عالمێن دینی دا ئه‌وێ خوه‌راگر (د به‌رابه‌رێ گونه‌هان دا) و خوه‌یكه‌رێ دین بێ و د‌ گه‌ل خوه‌ست و ڤیانێن نه‌فسا خوه‌ موخالفه‌تێ بكێ و گوهدارێ ده‌ستوورێن مه‌ولایێ خوه ‌بێ، لازمه‌ كو خه‌لك گوهێ خوه ‌بدنێ و پێ وی بچن. و هنه‌ك ژ زانایێن شیعان وها نه، نه‌هه‌می. 

نظرات

ارسال نظر

* فیلدهای ستاره دار حتما بایستی مقدار داشته باشند.