۞ ئاخفتنا 125 ۞

۞ ئاخفتنا 125 ۞

ل جه‌وابا خه‌وارجان دا کو «حه‌که‌میه‌ت» قه‌بوول ناکران ئاخفتیه‌:

مه‌، نه‌ مرووڤ کرنه‌ «حه‌که‌م» به‌لکی مه‌ قورئان کریه‌ «حه‌که‌م». ئه‌ڤ قورئان نڤیسینه‌که‌ کو هاتیه‌ نڤیسین و لناڤ دو قاپا دا هاتیه‌ دانین، ب زمان نائاخڤێ و (ژ به‌ر ڤێ یێكێ) ته‌رجومان ژێرا لازمه‌ و تنێ مرووڤن کو ژ به‌ر وێ ڤه‌ بئاخڤن. ده‌ما ئه‌وی قه‌ومی ئه‌م گازی کرین کو ئه‌م قورئانێ دناڤ خوه‌ دا بکین «حه‌که‌م» ئه‌م نه‌ ژ وا مرووڤا بین کو به‌رێ خوه‌ ژ کتێبا خودێ بزڤرینن، د وی حالی دا کو خودایێ سوبحان که‌ره‌م کریه‌: «ڤێجا ئه‌گه‌ر هه‌وه‌ کر قه‌ره‌بالغ لسه‌ر تشته‌کی، ئه‌وێ بال خودێ و پێغه‌مبه‌رێ وی ڤه‌ بزڤرینن»[1] ڤێجا زڤراندنا ل خودێ ئه‌وه‌ ئه‌م ب کتێبا خودێ حوکم بکین، زڤراندنا ل پێغه‌مبه‌رێ خودێ ژی ئه‌ڤه‌ کو ئه‌م ب سوننه‌تا وی بگرن. ڤێجا ئه‌گه‌ر ب سه‌راستی ب کتێبا خودێ حوکم بێ کرن، ئه‌م ژ خه‌لکێ دی موسته‌حه‌قترێ وێ نه‌. ئه‌ما ئه‌گه‌ر ب سوننه‌تا پێغه‌مبه‌ر (ص) حوکم بێ کرن، دیسا ئه‌مین یێن ژ وان نێزیکتر و لایقتر ژ وێ را، ئه‌ما ئه‌ڤێ تشتێ کو هوون دبێژن: ته‌ چره‌ ل حه‌که‌میه‌تێ دا لناڤبه‌ینا خوه‌ و وان دا زه‌مان و وه‌خته‌ک دانی؟ ئه‌ڤاهه‌ من ژ به‌ر ڤێ یێکێ کر کو ئه‌وێ جاهل و نه‌زان حه‌قیقه‌تێ ببینێ و په‌یدا بکێ و یێ زانا ژی لسه‌ر باوه‌ری یا خوه‌ بمینێ و، به‌لکی ل ڤی زه‌مانێ سه‌كنینا شه‌ر د‌ا خود‌ێ كار و بارێ ئوممه‌تێ بسه‌ر ھه‌ڤه‌ بێنێ و د‌ورست بكێ و، رێکا ته‌حقیق و ناسینا حه‌قی یێ ڤه‌کری بمینێ و ل رووناهی کرنا حه‌قی یێ دا عه‌جه‌له‌ نه‌یێ کرن و ته‌سلیمێ ئه‌ولین فکرا ل رێ ونداکه‌ر نه‌بن.

راستی ئه‌ڤه‌ کو، سه‌راترین مرووڤ لبال خودێ ئه‌وه‌ ئه‌وێ عه‌مه‌ل کرنا ب حه‌قی یێ -هه‌رچه‌ند کێماسی یێ و کول و خه‌مان ژێرا چێکێ- لبال وی مه‌حبووبتر و خوه‌شدڤێ تر بێ ژ باطل و یا پووچ، هه‌رچه‌ند کو باطل، پر فه‌یدێ ب ده‌ست وی ڤه‌ بێنێ. ڤێجا هوون بکووڤه‌ تێن برن؟ و هوون ژ کووڤه‌ هاتنه‌؟ خوه‌ حازرێ چوونا بال قه‌ومه‌کی بکن (هووگرێن موعاویه‌) کو ل ناس کرنا حه‌قی یێ دا شاش مانه‌ و نکارن وێ ببینن و زولم سه‌ر وان دا هاتیه‌ و به‌رێ خوه‌ ژێ نازڤرینن، ژ کتێبا خودێ دوورن و به‌رێ وان ژ رێکێ زڤریه‌. هوون نه‌ چه‌کالێ قه‌وی نه‌ کو پێ بێ گرتن و نه‌ ئاریکارێن جهێ پێ باوه‌ری یێ کو ل وه‌ختێ دژواری یێ دا ئاریکاری ژ وان بێ خوه‌ستن. هوون چ پیس شه‌واتین ژ بوونا خوه‌ش کرنا ئاگرێ شه‌ر! ئوف، ژ هه‌وه‌ ره‌، کو ئه‌ز ب هه‌وه‌ که‌تمه‌ به‌لا و نه‌خوه‌شی یێ؛ رووژه‌کی من بلند گازی هه‌وه‌ کر و رووژه‌کی ژی من هێدیکا لبن گوهێ هه‌وه‌ دا ئاخفت، ڤێجا هوون نه‌ ئازا مێرێن دورست بین ل وه‌ختێ گازی کرنێ دا [ژ بوونا شه‌ر] و نه‌ ژی ل وه‌ختێ هێدی ئاخفتنێ دا [کو من خه‌فێن خوه‌ ژ هه‌وه‌ را دگووتان] هوون براده‌رێن جهێ پێ باوه‌ری یێ بین.


[1] نساء/

نظرات

ارسال نظر

* فیلدهای ستاره دار حتما بایستی مقدار داشته باشند.