۞ ئاخفتنا 143 ۞

۞ ئاخفتنا 143 ۞

مقالات مرتبط

خوه‌ستنا بارانێ: بزانن! ئه‌و عه‌ردێ کو هوون هلگرتنه‌ و ئه‌و عه‌سمانێ کو ل هه‌وه‌ دکێ سیبه‌ر، فه‌رمانبه‌رێ خودایێ هه‌وه‌ یه‌. و ئه‌گه‌ر خێر و به‌ره‌که‌تا خوه‌ سه‌ر هه‌وه‌ دا درژینن نه‌ ژ بر وێ یه‌ کو دلێ وان دمینێ بهه‌وه‌ ڤه‌ ئان خو نێزیکێ هه‌وه‌ بکن و ئان به‌رهێڤی یێ خێر و خوه‌شیه‌کی بن ژ هه‌وه‌. به‌لکی خودێ فه‌رمان دایه‌ وان هه‌ردوکان کو فه‌یدێ بگهینن هه‌وه‌، ئه‌وا هه‌ردووکا ژی گوھ دان ئطاعه‌ت کرن و خودێ ئه‌و هه‌ردو ژ بوونا مه‌صله‌حه‌تا هه‌وه‌ راگرتن و ئه‌و ژی سه‌کنین و خوه‌ راگرتن.

راستی ئه‌ڤه‌ کو ده‌ما به‌نده‌ (عه‌بد) کارێن پیس دکن خودێ پێ کێمیا فێکی‌یان و پاشڤه‌ دانا به‌ره‌كه‌تان ژ وان و گرتنا ده‌رگه‌هێ خه‌زینێن خێران لبه‌ر وان، ئه‌وا ئمتحان دکێ، دا کو ته‌وبه‌کار ته‌وبه‌ بکێ و گونه‌ھکار ژ گونه‌ھ کرنێ بسه‌کنێ و شیره‌ت گر شیره‌ت ببێ و ئه‌وێ کو د‌خازێ ژ گونه‌ھان بێ پاشڤه‌دان پاشدا بێ دایین.

خودایێ پاک خوه‌ستنا عه‌فوێ کریه‌ سه‌به‌بێ پر بوونا رزق و ره‌حمه‌ت کرنا ل خه‌لکێ، ڤێجا که‌ره‌م کریه‌: «عه‌فو و به‌خشینێ ژ خودایێ خوه‌ بخازن، ڤێجا براستی ئه‌و پر عه‌فو که‌ر و به‌خشه‌ره‌ ۞ دا کو ژ عه‌سمانا لپه‌ی هه‌ڤ لسه‌ر هه‌وه‌ بارانێ ببارێنێ ۞ و پێ مال و ئه‌ولادان ئاریکاریا هه‌وه‌ بکێ و ژ هه‌وه‌ ره‌ باغ و باغچه‌یان و رووباران چێکێ»[1] ڤێجا خودێ ره‌حمه‌ت بکێ ل وی که‌سێ کو به‌رێ خوه‌ بدێ ته‌وبێ و ژ به‌ر گونه‌ھێن خوه‌ عه‌فوێ بخازێ و پێشیا هاتنا مرنێ دا له‌زێ ل د‌ورست كرنا خوه‌ بکێ.

ئه‌ی خودا! ئه‌م بئالیێ ته‌ڤه‌ ده‌رکه‌تنه‌ ژ ناڤ وان مال و چادرێن کو ناله‌ نالا حه‌یوان و زارووکان ژ وێ ده‌رێ بلند بیه‌، ئه‌و ل وی حالی دا یه‌ کو ئه‌م ره‌حمه‌تا ته‌ دخازین و ئه‌م هێڤیدارێ فه‌زل و قه‌نجی یا ته‌ نه‌ و ئه‌م ژ به‌ر عه‌زاب و غه‌زه‌با ته‌ ل طرسێ دا نه‌.

ئه‌ی خودا! مه‌ پێ بارانا خوه‌ تێر ئاڤ بکه‌ و بێ هێڤی نه‌كه‌ و پێ خه‌لایێ مه‌ ژ ناڤ نه‌به‌ و ژ به‌ر کریارا سه‌فیکان تو ل مه‌ نه‌گره‌، ئه‌ی عه‌فووکه‌رترینێ عه‌فووکه‌ران.

ئه‌ی خودا! ئه‌م بال ته‌ڤه‌ هاتنه‌ دا ده‌رحه‌ق وێ یا ژ ته‌ خه‌ف نینه‌ ئه‌م شکایه‌تا خوه‌ بینن بال ته‌. چکو طه‌نگاسی یێن دژوار ئه‌م بێ چاره‌ کرنه‌، و هشکسالی یێن بزه‌حمه‌ت ئه‌م بئالیێ ته‌ڤه‌ ئاژووتنه‌. ‌و خوه‌ستێن مه‌، ئه‌م ئێخستنه‌ زه‌حمه‌ت و ئه‌زیه‌تێ، و فتنێن گران بسه‌ر مه‌ دا هاتنه‌.

ئه‌ی خودا! ئه‌م ژ ته‌ دخازن کو تو مه‌ بێ هێڤی ژ ده‌رگاهێ خوه‌ نه‌زڤرینی و مه‌ خه‌مدار ژ بال خوه‌ رێنه‌کی و تو بناڤێ گونه‌ھکاران دگه‌ل مه‌ نه‌ئاخڤی و لبه‌رابه‌رێ کریارێن مه‌ دا، مه‌، جه‌زا نه‌دی.

ئه‌ی خودا! باران و به‌ره‌که‌ت و رزق و ره‌حمه‌تا خوه‌، به‌رفره‌ھ بده‌ مه‌ و سه‌ر مه‌ دا برێژه‌ بارانه‌کی پر فه‌یده‌، تێرئاڤکه‌ر و شینکه‌رێ گیا، دا کو حه‌چی یا ته‌له‌ف بیی شین بکێ و حه‌چی یا مری ساخ بکێ. بارانه‌کی سه‌ر مه‌ دا ببارینه‌ کو تێهنیتی یێ ژ ناڤ ببێ و فێکی زێده‌ بکێ و عه‌ردێن نڤز تێرئاڤ بکێ و که‌ندال و دوولان ته‌ژی لێمشت بکێ و به‌رگا ب دارانڤه‌ بێنێ و قیمه‌تا بشکێنێ (بهایێ تشتان بێنێ خارێ و تشت ئه‌رزان ببن) براستی هه‌ر تشتا تو بخازی تو دکاری بکی.


[1] نووح/10-

نظرات

ارسال نظر

* فیلدهای ستاره دار حتما بایستی مقدار داشته باشند.