۞ ئاخفتنا 155 ۞

۞ ئاخفتنا 155 ۞

مقالات مرتبط

ل ڤێ ئاخفتنێ دا به‌حسا ئافراندن و خولقاندنا عه‌جێب و بێ نمونه‌یا شه‌ڤپه‌رێ (شه‌ڤشه‌ڤوک-چلێچلێ) دکێ.

حه‌مد ژ خودێ را، ئه‌وێ چ وه‌صف نکارن بگهێن حه‌قیقه‌تا ناس كرنا وی و عه‌زه‌مه‌تا وی عه‌قل پاشڤه‌ زڤراندنه؛‌ ڤێجا ژ بوونا گهانا خلاسه‌کا مه‌له‌کووتا وی رێکه‌ک په‌ید‌ا نه‌کرن. ئه‌وه‌ خودایێ حه‌قێ ئه‌شکه‌ره‌. ئه‌شکه‌ره‌تر ژ هه‌می وا تشتێن چاڤ دکارن ببینن. عه‌قل نکارن حه‌د و سینووره‌کی ژێرا ده‌ینن دا ڤێجا همبه‌ر و شه‌بیهه‌ک ژێرا هه‌بێ و وه‌هم و خیال نکارن ئه‌وی دخوه‌ دا بگرن دا ڤێجا تشته‌ک وه‌ک وی خیال بکن. مه‌خلووق ئافراند، بێ‌ی نمونه‌ و مسال و بێ‌ی مه‌شوه‌ره‌ت کرنا دگه‌ل که‌سه‌کی و بێ‌ی ئاریکاری یا ئاریکاره‌کی. ڤێجا ئافراندنا وی ب ئه‌مر و فه‌رمانا وی خلاس بی و مه‌خلووقێ وی فه‌رمانبه‌ری یا ژ وی قه‌بوول کر و جه‌واب دا و پاشڤه‌ نه‌د‌ا و ته‌سلیم بوو و نه‌که‌ت جڕه‌کێشێ.

ئافراندنا شه‌ڤپه‌رێ: ژ صه‌نعه‌تێ وی یێ هویر و ژ ئافراندنا وی یا عه‌جێب، ئه‌وه‌ کو ئه‌م ل ئافراندنا ب هوستاهی و شاره‌زایی یا ل خولقاندنا شه‌ڤپه‌رێ دا دبینن؛ کو رووناهی یا رووژێ هه‌می تشتی تێخێ بزاڤ و حه‌ره‌که‌تێ لێ؛ شه‌ڤپه‌ره‌یان ژ بزاڤ و حه‌ره‌که‌تێ ددێ سه‌کناندن و طاریتیا شه‌ڤێ ئه‌وێ تێخێ بزاڤ و حه‌ره‌که‌تێ، حالحاله‌ جاندارێن دی ژ بزاڤ و حه‌ره‌که‌تێ تێخێ؛ چه‌وا چاڤێن وێ ئه‌وقاس زه‌عێفه‌ کو نکارێ ژ رووژا رووناهی ئاریکاریێ بگرێ و لبه‌ر رووناهی یا وێ رێکا خوه‌ ببینێ و بگهێ وی جهێ کو دڤێ بچی یێ! چه‌وا ئه‌و نکارێ بچێ وی جهێ طاڤا رووژێ ددیێ و ل خه‌فگه‌هێن طاری دا دمینێ! و بێ ئحتیاجه‌ ژ فرینا لبه‌ر طاڤا رووژێ! شه‌ڤپه‌ره‌، ل رووژێ دا پلکێن خوه‌ لسه‌ر چاڤێن خوه‌ دا دگرێ و ده‌ما شه‌ڤ تێ، طاریتی ئه‌وێ وه‌ک چرایه‌کی ژ بوونا په‌یدا کرنا رزقێ وێ تێخێ کار؛ طاریتی پێشیا دیتنا وێ ناگرێ و ئه‌وێ ژ فرینێ لناڤ طاریتی یێ دا پاشڤه‌ نادێ؛ ده‌ما رووژ په‌ردێ ژ سه‌ر خوه‌ هلێنێ و سپیتاهی یا رووژێ [سپێده‌] خویا بکێ و ده‌رکه‌ڤێ و جهێ طه‌نگێ سوسماران رووناهی بکێ، جاره‌ک دی دیسا چاڤێ خوه‌ داتینێ سه‌رهه‌ڤ و ب حه‌چی یا ل طاریتی یا شه‌ڤێ دا دایی هه‌ڤ به‌س دکێ. پاک و مونه‌ززه‌هه‌ خودایێ کو شه‌ڤ کر رووژا وێ دا کو ژ بوونا په‌یدا کرنا رزقێ خوه‌ بکه‌ڤێ بزاڤ و حه‌ره‌که‌تێ و رووژ ژ وێرا کر ده‌مێ رحه‌تی و سه‌کنینێ؛ و په‌ر، دانێ کو ژ گووشتن، دا ل ده‌مێ ئحتیاج و نیازێ دا پێ وان بفرێ؛ په‌رێن وه‌ک نه‌رمکێ گوھ کو نه‌ پرتک پێڤه‌ هه‌یه‌ و نه‌ ژی هه‌ستی تێدا یه‌، لێبه‌لێ تو جهێ ره‌یان لناڤ وان دا بباشی دبینی؛ شه‌ڤپه‌رێ دو په‌ر هه‌نه‌ کو نه‌ ئه‌وقاس طه‌نكن (نازك-زراڤ) کو بچرهێن و نه‌ ژی ئه‌وقاس ستوورن کو گرانی یێ چێکن. دفرێ، ل حاله‌کی دا کو زارووکا وێ پێڤه‌ یه‌، تو دبێژی قه‌ی په‌ناه ژێرا بریه‌، ده‌ما دایک رودنێ ئه‌و ژی رودنێ و ده‌ما رادبێ ئه‌و ژی رادبێ، ژ زارووکا خوه‌ ڤه‌نابێ حه‌تا ئه‌ندامێن وێ قه‌وی ببن و په‌رێن وێ بکارن ئه‌وێ بفرینن و رێکێن ژیانێ و مه‌صله‌حه‌تا خوه‌ هین ببن و بعه‌لمن. ڤێجا پاک و مونه‌ززه‌هه‌ خالقێ هه‌می تشتی، ئه‌وێ تشت خولقاندین بێ‌ی هه‌بوونا نمونه‌یه‌کی ل پێشیێ دا.

نظرات

ارسال نظر

* فیلدهای ستاره دار حتما بایستی مقدار داشته باشند.