۞ ئاخفتنا 194 ۞

۞ ئاخفتنا 194 ۞

به‌حسا منافقان دکێ (حه‌چوه‌کو ل باژارێ کووفایێ ئاخفتبێ)

ئه‌م حه‌مدێ وی خودایی دکین کو ته‌وفیقا طاعه‌ت دایه‌ و ژ نه‌گوهداری یێ دوور کریه‌، ئه‌م ته‌مام کرنا قه‌نجی و ئحسانێ ژ وی دخازین، هه‌ر وها خوه‌ گرتنا ب وه‌ریسێ وی ژی. و ئه‌م شه‌هده‌ ددین کو موحه‌ممه‌د عه‌ڤد و هنارتی یێ وی یه‌ کو ژ بوونا رازی بوونا وی خوه‌ ئاڤێت ناڤ هه‌می دژواری یان و کول و مه‌ره‌ق، قورت و قورت بسه‌ر خوه‌ دا کرن. حه‌تا ب وێ ده‌رێ کو نێزیکێن وی دوروویی دگه‌ل کرن و یێن ژ وی دوور ل دژێ وی دا خوه‌ دان هه‌ڤ؛ عه‌ره‌بان ژ بوونا هێرش برنا سه‌ر وی هه‌فسار به‌ردان و پێ شڤان لبن زکێ حه‌یوانا خوه‌ دان، دا کو کین و رکا خوه‌، ژ جهێن دوور بینن و برێژن سه‌ر جهێ وی.

ئه‌ی عه‌ڤدێن خودێ، ئه‌ز وه‌صیه‌تا ته‌قواتی یا خودێ ل هه‌وه‌ دکم و ئه‌ز هه‌وه‌ ژ ئه‌هلێ نفاقێ دطرسینم؛ منافق، ژ رێ ده‌رن و ژ رێ ده‌رکه‌رن، ئه‌و بخوه‌ شمتینه‌ و خه‌لکێ ژی دشمتینن، هه‌ر جار ره‌نگه‌کی ل خوه‌ ددن و هه‌ر رووژ گووتنه‌کی دبێژن و رێکه‌کی ددن به‌رخوه‌ و، ژ رێ ده‌رانینا هه‌وه‌ را ژ هه‌می وه‌سیلان ئستفاده‌ دکن و ل هه‌ر جهی که‌مینێ دگرن. دلێ وان نه‌خوه‌شه‌، نه‌خوه‌شیه‌ک بێ ده‌رمان، لێبه‌لێ ئه‌شکه‌ره‌یێ وان خه‌ملاندی و پاقژه‌. ژ خه‌ف ڤه‌ هرڤه‌ وێڤه‌ دچن و وه‌ک خوه‌ خشکێنێن د ناڤ بیشیان دا نه‌رم و ڤه‌شارتی رێڤه‌ دچن. ئاخفتنا وان وه‌ک ده‌رمانه‌ و ب زمان ساخی و شفایا خه‌لکێ دخازن لێ ب عه‌مه‌ل و کریار ده‌ردێ بێ ده‌رمان. ئه‌گه‌ر خه‌لک ل رحه‌تی یێ دا بن ئه‌و حه‌سه‌دێ ب وان دبن و هه‌ما راستی به‌لایێ دخازن و به‌نێ هێڤی یان دبرن. ل هه‌ر رێکه‌کی دا هنه‌ک گوهری خوه‌ کرنه‌ و دانه‌ ته‌له‌ف کرن. ئه‌وان ل هه‌ر دله‌کی دا مه‌هده‌رکاره‌ک هه‌یه‌ و لبال هه‌ر نه‌خوه‌شی و کوله‌کی روندکه‌کی درێژن (ب ده‌ره‌و هێستر و رووندک ژ چاڤێ وان تێن) ئه‌و په‌صن و مه‌دحان بده‌ین ددن هه‌ڤ و هێڤیا کریا وێ نه‌. ئه‌گه‌ر تشته‌کی بخازن پێکوتانێ لسه‌ر دکن و ئه‌گه‌ر لوومه‌ ل وان بێ کرن هه‌تک و شه‌رمێ دبن و ئه‌گه‌ر حوکم بکن زێده‌گاڤی یێ تێدا دکن. ژ هه‌ر حه‌قه‌کی را باطله‌ک حازر کرنه‌ و ژ هه‌ر راسته‌کی را خوه‌هریه‌ک و ژ هه‌ر ساخه‌کی را قاتله‌ک و ژ هه‌ر ده‌رگه‌هه‌کی را کلیده‌ک و ژ هه‌ر شه‌ڤه‌کی را چرایه‌ک.

بێ هێڤیتی کرنه‌ وه‌سیلا کولبووتی یا خوه‌، دا بازارا خوه‌ گه‌رم بهێلن و تشتێن خوه‌ ب بهایه‌ک گرانتر بفروشن، دئاخڤن ڤێجا ره‌نگێ حه‌قی یێ ب ئاخفتنا خوه‌ را ددن، به‌حسا تشته‌کی دکن ڤێجا حیلان دکن، رێکێ سست دکن و پێچ و خوه‌هری یێ تێخنێ. ئه‌و به‌ندا (طه‌ره‌فد‌ار) شه‌یطان و پیژکێ ئاگرن «ئه‌و حزبا شه‌یطانن، هه‌یهێ، براستی ئه‌وێن خوسریین، ئه‌و حزبا شه‌یطانن».[1]


[1] موجاد‌له‌/

نظرات

ارسال نظر

* فیلدهای ستاره دار حتما بایستی مقدار داشته باشند.