۞ ئاخفتنا 197 ۞

۞ ئاخفتنا 197 ۞

مقالات مرتبط

براستی ئه‌و صه‌حابه‌ و یارانێن ئه‌مانه‌ت دارێن موحه‌ممه‌د صه‌لات و سه‌لامێن خود‌ێ لسه‌ر وی و ئالێ وی بن د‌زانن کو حه‌تا یێک بێهنێ تنێ ژی من فه‌رمانا خودێ و پێغه‌مبه‌رێ وی پاشدا نه‌دایه‌ و من ب دل و جان ئاریکاری یا پێغه‌مبه‌ر کریه‌ ل وان جهان دا ئه‌و جهێن په‌عله‌وان پاشڤه‌ دهاتان زڤراندن و گاڤ پاشڤه‌ دهاتان ئاڤێتن، ئه‌ڤاهه‌ جه‌ساره‌ته‌ک بی کو خودێ پێ وێ که‌ره‌م دگه‌ل من کر بی.

شک د ڤێ دا ژی نینه‌ کو پێغه‌مبه‌رێ خودێ صه‌لات و سه‌لامێن خود‌ێ لسه‌ر وی و ئالێ وی بن ده‌ما وه‌فات کری، سه‌رێ وی لسه‌ر سنگێ من بی و جانێ وی ل که‌فا ده‌ستێ من دا هه‌رکی (چوو عه‌سمانان) و من ئه‌و ل روویێ خوه‌ دا کر[1] و ئه‌و ئه‌ز بووم ئه‌وێ شووشتنا وی (ص) مایی بهێڤی یێ ڤه‌ و مه‌لائیکه‌ت ئاریکارێ من بوون. ڤێجا مال و حه‌وش هه‌می پێکڤه‌ قێر و هه‌وار بی و کوومه‌ک مه‌له‌ک دهاتان خارێ و کوومه‌ک بلند دبوویان بو عه‌سمانا، حه‌تا بێهنه‌کی ژی ئاهێنا وان ژ گوهێ من خلاس نه‌دبیا، صه‌له‌وات ددانێ حه‌تا مه‌ ئه‌و ل مه‌زارا وی دا ڤه‌شارت. ڤێجا ل حالێ ساخی و مرنێ دا، چ که‌س ژ من موسته‌حه‌ق تره‌ ژ وی را؟ ژ بوونا جهادا دگه‌ل دوژمنێ خوه‌ عه‌قلێ خوه‌ بکار ببن (بشخولێنن) و نیه‌تا خوه‌ صادق و خالص بکن. پا، صووند ب وی یێ خێنجی وی چ ئلاھ نه‌یین، موحه‌قه‌ق ئه‌ز لسه‌ر رێکا حه‌قم و ئه‌و شمتینگه‌ھا باطلێ نه‌. ئه‌ڤه‌ ئه‌ز وێ دبێژم یا هوون گوهلێ دبن و، ئه‌ز ژ خوه‌ و هه‌وه‌ را داخازا لێ بوورینێ ژ خودێ دکم.


[1] كنایه‌ یه‌ ژ وێ چه‌ند‌ێ كو پێغه‌مبه‌ر (ص) لسه‌ر د‌ه‌ستێ وی (س) وه‌فات كر و ئه‌وی ژی ئه‌ڤ خه‌م و كول وه‌فا پێغه‌مبه‌ر (ص) راگرت.

نظرات

ارسال نظر

* فیلدهای ستاره دار حتما بایستی مقدار داشته باشند.