۞ ئاخفتنا 199 ۞

۞ ئاخفتنا 199 ۞

مقالات مرتبط

شیره‌ت ل هه‌ڤال و هووگران:

نمێژ: های ژ مه‌سه‌لا نمێژێ هه‌بن و ژ پارازتنا وێ را بخه‌بتن و پر نمێژ بکن و پێ وێ خوه‌ نێزیکێ خودێ بکن، چکو نمێژ فه‌رزه‌که‌ لسه‌ر موئمنان کو موحه‌قه‌ق دڤێ ئه‌وێ ل وه‌ختێ وێ دا پێک بینن. ما گه‌لو هوون گوھ راناگرن بو جه‌وابا جه‌هنه‌میان؟ ده‌ما ژ وان تێ پرسیار کرن: «چ تشتی هوون بئالیێ جه‌هنه‌مێ ڤه‌ برن؟ *دبێژن: ئه‌م نه‌ ژ نمێژکه‌ران بوون».[1] راستی ئه‌ڤه‌ کو نمێژ گونه‌ھان ژ مرووڤ دبێ وه‌ک چه‌وا به‌لگێن داران تێن رژاندن و گونه‌ھان ژ مرووڤ ڤه‌دکێ وه‌ک چه‌وا گرێ‌یێ به‌نکا تێن ڤه‌کرن. پێغه‌مبه‌رێ خودێ صه‌لات و سه‌لامێن خود‌ێ لسه‌ر وی و ئالێ وی بن نمێژ وه‌ره‌نگ حه‌ساب کریه‌ حه‌چوه‌کو کانیه‌ک یا گه‌رماڤێ لبه‌ر ده‌رێ مالا که‌سه‌کی بێ، ڤێجا ئه‌و ل رووژ و شه‌ڤێ دا پێنج جاران خوه‌ تێدا بشوو، هنگێ ئێدی قرێژ لسه‌ر به‌ده‌نا وی نامینێ. براستی ئه‌وا باوه‌رد‌ارا حه‌قێ نمێژێ ناس کرنه‌ ئه‌وێن خه‌مل و جوانی یا چ تشتی ئه‌وان بخوه‌ ڤه‌ مژوول ناکێ کو ڤێجا های ژ نمێژێ نه‌مینن، نه‌ ژی زارووک و مال کو رووناهی یا چاڤێ وا یه‌. خودایێ سوبحان که‌ره‌م دکێ: «ئه‌و مرووڤێن وه‌ره‌نگن کو چ تجاره‌ت و کرین و فرووتن ئه‌وا پاشڤه‌ نادێ ژ زکرێ خودێ و بجی ئانینا نمێژێ و دانا زه‌کاتێ».[2] پێغه‌مبه‌رێ خودێ (ص) دگه‌ل وی قاسی کو مزگینی یا بهشتێ ژێرا هاتبی ژی دیسا ژ نمێژێ را خوه‌ د‌دا زه‌حمه‌تێ، چکو خودایێ سوبحان که‌ره‌م کر بی: «ئه‌مرێ ئه‌هلێ خوه‌ بکه‌ ژ نمێژێ را و لسه‌ر وێ صه‌بر بکه‌»[3] ڤێجا ئه‌مرێ خه‌لکێ مالا خوه‌ دکرا ژ بوونا نمێژێ و ئه‌و بخوه‌ ژی لسه‌ر وێ صه‌بر دار بی.

زه‌کات: ده‌رحه‌ق زه‌کاتێ دا ژی راستی ئه‌ڤه‌ کو زه‌کات ژی دگه‌ل نمێژێ ژ بوونا نێزیک بوونا موسلمانان بال خودێڤه‌ هاتیه‌ دانین، حه‌چی که‌سێ زه‌کاتێ ب خوه‌شیا دلێ خوه‌ [و ب رازی بوون] بدێ، وێ ئه‌و ببێ که‌فارا گونه‌ھێ وی و وێ ئه‌وی ژ ئاگرێ جه‌هنه‌مێ پاشدا بدێ و ئه‌وی ژێ بپارێزێ. ڤێجا که‌سێ زه‌کاتێ بدێ بلا ئله‌ھ فکرا خوه‌ پێڤه‌ گرێ نه‌دێ و مه‌ره‌قان نه‌کێ، چکو که‌سێ نه‌ ژ دل [و نه‌ ب رازی بوون] زه‌کاتێ بدێ و ژ خودێ به‌رهێڤی بێ کو تشته‌کی باشتر ژ وێ یا دایی بگرێ، ئه‌وی که‌سی ب سوننه‌تا پێغه‌مبه‌ر صه‌لات و سه‌لامێن خود‌ێ لسه‌ر وی و ئالێ وی بن ئاگاهی نینه‌، ئه‌وی ژ ئالیێ کریێ ڤه‌ (كرھ-ئوجره‌ت) زره‌ر کریه‌، کارێ وی ژ ده‌ست چوویه‌ و وێ پر درێژ، پووشمان ببێ.

ئه‌مانه‌ت: لێ ڤێجا ئه‌دا کرن و زڤراندنا ئه‌مانه‌ت؛ ئه‌و که‌سێ نه‌ ئه‌مانه‌تدار بێ ئه‌و ژێ چوویه‌ و که‌تیه‌ زه‌ره‌ر و زیانێ، براستی ئه‌مانه‌ت ھات د‌ایین ژ بوونا عه‌سمانێ ژووری و عه‌ردێ رائێخستی و چیایێن بلند و ڤه‌دایی کو تشته‌ک ژ وان درێژتر و په‌حنتر و بلندتر و مه‌زنتر نه‌بی، لێبه‌لێ ئه‌وا دگه‌ل وێ چه‌ندێ کو بلند و به‌رفره‌ھ و قه‌وی و مه‌زن بوون، خوه‌ ژ به‌ر ئاڤێتن و ژ جه‌زا دانێ طرسهان، ئه‌و ب تشته‌کی حه‌سهابین کو مرووڤ؛ ئه‌و مه‌خلووقێ ژ وان زه‌عێفتر، ژێ بێ خه‌به‌ر مابی «هه‌ما راستی ئه‌و پر زالم و نه‌زان بی».[4]

ژ خودایێ سوبحان و بلند مه‌رته‌به‌، نه‌ڤه‌شارتی یه‌ ئه‌وا به‌نده‌ شه‌ڤ و رووژ دکن و بده‌ستڤه‌ تینن، ئه‌و ژ بچووکترین کارێ وان ئاگاهه‌ و ب زانین دوورا وان گرتیه‌، ئه‌ندامێن هه‌وه‌ شاهدێن وی نه‌ و قه‌تێن به‌ده‌نا هه‌وه‌ له‌شکه‌رێن وی نه‌ و ڤه‌شارتی یێن ژ هه‌وه‌ مه‌ئموورێن وی نه‌ و تنێتی یا هه‌وه‌ لبه‌ر وی عه‌یان وئه‌شکه‌ره‌ یه‌.


[1] مود‌د‌ه‌سر/43-42

[2] نوور/37

[3] طاھا/132

[4] ئه‌حزاب/

نظرات

ارسال نظر

* فیلدهای ستاره دار حتما بایستی مقدار داشته باشند.