۞ ئاخفتنا 205 ۞

۞ ئاخفتنا 205 ۞

مقالات مرتبط

به‌رێ ئاخفتنێ ل طه‌لحه‌ و زوبه‌یره‌، پشتی به‌یعه‌تا دگه‌ل وی (س). هه‌ردوکا ژ به‌ر ڤێ چه‌ندێ کو دگووتان ئه‌وی (س) ل کاران دا دگه‌ل وان مه‌شوه‌ره‌ت نه‌کریه‌ و ئاریکاری ژ وان نه‌خوه‌ستیه‌، نه‌رحه‌تی یا خوه‌ دیار کربین.

هوون هه‌ردوک ژ به‌ر تشته‌ک کێم نه‌رحه‌ت بوون و ھه‌وه‌ گه‌له‌ک کار ژی پاش ئێخستن. چره‌ هوون نابێژن کانێ هه‌وه‌ ل چ دا حه‌قه‌ک هه‌بیه‌ و من هوون ژ وێ پاشڤه‌ دانه‌؟ و ل ته‌صه‌رروفا کیژان به‌هر و دانه‌کی دا من خوه‌ سه‌ر هه‌وه‌ را گرتیه‌؟ ئان چ حه‌قه‌ک هه‌بیه‌ کو که‌سه‌ک ژ موسلمانا حوکمێ وێ ژ من خوه‌ستبێ و ئه‌ز ل پێک ئانینا وێ دا زه‌عێف مابم، ئان من زانین وێ ده‌رحه‌قێ دا نه‌بێ و ئان ژی ئه‌ز تێدا خه‌له‌ت بووبم؟

صووند بخودێ، من قه‌ مه‌یل و ڤیان د خه‌لیفه‌تی یێ دا نه‌بی و من حوکمداری نه‌دخوه‌ستا، لێبه‌لێ هه‌وه‌ ئه‌ز ژ وێ را گازی کرم و هه‌وه‌ ئه‌و ل من بار کر. ده‌ما ئه‌و گها من، من به‌رێ خوه‌ دا کتێبا خودێ و ئه‌وا ژ مه‌ را هاتی ده‌ینان و ئه‌مرێ مه‌ کری کو ئه‌م ب وێ حوکم بکین، ڤێجا ئه‌ز که‌تم په‌ی وێ و من به‌رێ خوه‌ دا ئه‌وا سوننه‌تێن پێغه‌مبه‌ر صه‌لات و سه‌لامێن خود‌ێ لسه‌ر وی و ئالێ وی بن د ناڤ مه‌ دا هشتین و ڤێجا من په‌یره‌وی ژێ کر، د وێ دا ژی ئه‌ز نه‌ موحتاجێ بیر و هزرا هه‌وه‌ بیم و نه‌ ژی یا خێنجی هه‌وه‌. قه‌ت حوکمه‌ک نه‌هات پێش کو ئه‌ز نه‌زانم حه‌تا ڤێجا ئه‌ز مه‌شوه‌ره‌تێ دگه‌ل هه‌وه‌ و برایێن موسلمانێن دی یێن خوه‌ بکم. ئه‌گه‌ر تشته‌ک وه‌ره‌نگ هه‌بیا من خوه‌ ژ مه‌شوه‌ره‌تا دگه‌ل هه‌وه‌ و خێنجی هه‌وه‌، پاشڤه‌ نه‌ددا.

ئه‌ما ده‌رحه‌ق ته‌قسیم کرن و پشک کرنا موساوی و وه‌ک یێک ژی، ئه‌و تشته‌که‌ کو د وێ دا من نه‌ پێ بیر و هزرا خوه‌ و نه‌ پێ هه‌وایێ نه‌فسا خوه‌، ئه‌و حوکم دایه‌. به‌لکی من و هه‌وه‌ هه‌ردوکا دیتیه‌ کو ره‌سوولێ خودێ صه‌لات و سه‌لامێن خود‌ێ لسه‌ر وی و ئالێ وی بن ڤێ ده‌رحه‌قێ دا چ حوکم ئانیه‌ و چه‌وا عه‌مه‌ل کریه‌. ڤێجا نخوه‌ ل کاره‌کی دا کو خودێ حوکمێ وێ دانیه‌ و ئمزا کریه‌ من ئحتیاجی ب نه‌زه‌ر و بیر و هزرا هه‌وه‌ تنه‌بیه‌، ڤێ گووره‌کێ، وڵاهی نه‌ هه‌وه‌ هه‌ردوکا و نه‌ ژی خێنجی هه‌وه‌ ڤێ ده‌رحه‌قێ دا چ حه‌ق لسه‌ر من نینه‌ کو لوومان بکێ و من ژ ڤی کاری بزڤرینێ. خودێ به‌رێ دلێ مه‌ و هه‌وه‌ بدێ حه‌قی یێ و صه‌برێ بدێ مه‌ و هه‌وه‌.

پاشێ که‌ره‌م کر: خودێ ره‌حمه‌تێ بکێ ل وی که‌سێ حه‌قه‌کی ببینێ ڤێجا ئاریکاری یا وێ بکێ و زولمه‌کی ببینێ و ئه‌وێ دوور بکێ و ئاریکارێ خوه‌یێ حه‌ق بێ ژ بوونا گرتنا حه‌قێ وی.

نظرات

ارسال نظر

* فیلدهای ستاره دار حتما بایستی مقدار داشته باشند.