د امام باقر علیه السلام ځنې اقوال دا دي

د امام باقر علیه السلام ځنې اقوال دا دي
 

1 . دروغ د ايمان خرابول دي.

2 . مومن ويريدونکې، حريص او بخيل او کنجوس نه وي.

3 . د دنيا حريص د ريښمو د چينجي په شان دی چې څومره ډير ريښم له ځانه تاوهي راوتل يې ګرانيږي.

4 . په مومنانو باندې طعنې او ټکونه نه دي کول پکار.

5 . له خپل مسلمان ورور سره مينه ساته او څه چې ځان ته خوښوې هغه ته يې هم خوښوه او څه چې دې پخپله بدي او ناخوښ شي هغه ته يې هم مه خوښوه.

6 . که يو مسلمان چا کره کتنې يا څه حاجت لپاره لاړ شي او کوربه ورته د ننوتلو اجازت ورنه کړي او پخپله هم ورته راونه ځي نو په دې کوربه خداي پاک تر هغه وخته لعنت کوي چې له يو بل سره کتنه وکړي.

7 . خداي پاک حيا لرونکي او صبرناک خلق خوښوي.

8 . څوک چې په خلقو غصه نه کوي خداي پاک پرې د قيامت په ورځ غصه نه کوي.

9 . څوک چې ښو ته رابلل او له بدو منع کول نه کوي هغه ډير بد خلق دي.

10 . خداي پاک هغه کسان نه خوښوي چې دښمن يې په کور ورشي او هغه ورسره مقابله ونه کړي.

تبصره

د يو پيغام د وتو

* ډګرونه په نښه سره یو ستورگي باید خامخا ارزښت ولري.